സ്നേഹസംഗമവും അവാര്‍ഡ്ദാനവും

പത്തനാപുരം: ജീവനം കാൻസർ സൊസൈറ്റിയുടെ നേതൃത്വത്തിൽ കാൻസറിനെ അതിജീവിച്ചവരുടെ സ്നേഹസംഗമവും എം.ബി.ബി.എസ് പാസായ ജീവനം കാൻസർ സൊസൈറ്റി അംഗങ്ങൾക്കുള്ള അവാർഡ് വിതരണവും നടത്തി. കാൻസർ സർജൻ ഡോ.ജോജോ വി. ജോസഫ് ഉദ്ഘാടനം ചെയ്തു. ജോജി മാത്യു ജോർജ്​ അധ്യക്ഷത വഹിച്ചു. ഡോ. അജയകുമാർ, ഡോ.ഷേർലി കുര്യൻ എന്നിവർ അവാർഡ് വിതരണം ചെയ്തു. ഫാ.ഗോഡ് ജോയി, ജവഹർ ജനാർദ്​, പി.ജി. സന്തോഷ് കുമാർ, വിനു വിദ്യാധരൻ എന്നിവർ പങ്കെടുത്തു. ജീവനം കാൻസർ സൊസൈറ്റി ജനറൽ സെക്രട്ടറി ബിജു തുണ്ടിൽ സ്വാഗതം പറഞ്ഞു. കാപ്​ഷൻ: ജീവനം കാൻസർ സൊസൈറ്റിയുടെ നേതൃത്വത്തിൽ കാൻസറിനെ അതിജീവിച്ചവരുടെ സ്നേഹസംഗമം ഡോ. ജോജോ വി. ജോസഫ് ഉദ്ഘാടനം ചെയ്യുന്നു