സി.പി.എം വികസന സദസ്സ്​​

കിഴക്കേ കല്ലട: സി.പി.എം കിഴക്കേ കല്ലട ലോക്കൽ കമ്മിറ്റി നടത്തിയ വികസന സദസ്സ്​​ ജില്ല കമ്മിറ്റി അംഗം പ്രസന്ന ഏണസ്റ്റ് ഉദ്ഘാടനം ചെയ്തു. ജയദേവി മോഹനൻ അധ്യക്ഷത വഹിച്ചു. ലോക്കൽ കമ്മിറ്റി സെക്രട്ടറി ജി. വേലായുധൻ സ്വാഗതവും എസ്. സജിലാൽ നന്ദിയും പറഞ്ഞു. കാഥികൻ കെടാമംഗലം സദാനന്ദൻ സ്​മാരക കാഥികരത്നം പുരസസ്കാരം ലഭിച്ച കാഥികൻ കല്ലട വി.വി. ജോസ്, കേരള സർവകലാശാലയിൽനിന്ന് ടെക്നോളജി മാനേജ്മെന്‍റിൽ പിഎച്ച്.ഡി ലഭിച്ച എസ്​. അജീഷ്, ബി.എ സംസ്​കൃതത്തിൽ രണ്ടാം റാങ്ക് നേടിയ രേഷ്മാ രാജേഷ് എന്നിവരെ ആദരിച്ചു. ദേശീയപാത വികസനം: വൈദ്യുതി പോസ്റ്റുകൾ മാറ്റി സ്ഥാപിച്ചുതുടങ്ങി കുണ്ടറ: കൊല്ലം-തിരുമംഗലം ദേശീയപാത വീതീകൂട്ടുന്നതിന്‍റെ ഭാഗമായി പാതയോട് ചേർന്ന് നിന്ന വൈദ്യുതി പോസ്റ്റുകൾ മാറ്റി സ്ഥാപിച്ചുതുടങ്ങി. കുണ്ടറ, പെരുമ്പുഴ ഇലക്ട്രിക് സെക്​ഷനുകളുടെ പരിധിയിലുള്ള പോസ്റ്റുകൾ മാറ്റി സ്ഥാപിക്കുന്ന പണിയാണ് തുടരുന്നത്​. ഈ ആഴ്ചയിൽ തന്നെ ഇത്​ പൂർത്തിയാകും.