കേന്ദ്ര ഏജന്‍സികളെ ഉപയോഗിച്ച് പ്രതികാര നടപടികള്‍ നടത്തുന്നു -പന്ന്യന്‍

അഞ്ചാലുംമൂട്: മതത്തിന്‍റെ പേര് പറഞ്ഞ് ജനങ്ങളെ ഭിന്നിപ്പിച്ച് ഭരിക്കുന്ന നിലപാടാണ് കേന്ദ്രസര്‍ക്കാറിനുള്ളതെന്ന് സി.പി.ഐ ദേശീയ എക്‌സ്‌ക്യൂട്ടിവ് അംഗം പന്ന്യന്‍ രവീന്ദ്രന്‍. സി.പി.ഐ അഞ്ചാലുംമൂട് മണ്ഡലം സമ്മേളനത്തിന്‍റെ പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്ര എജന്‍സികളെ ഉപയോഗിച്ച് പ്രതികാര നടപടികള്‍ നടത്തുന്നതാണ് കേന്ദ്രത്തിന്‍റെ ഇപ്പോഴത്തെ രീതിയെന്നും പന്ന്യന്‍ രവീന്ദ്രന്‍ പറഞ്ഞു. ജെ. ഉദയഭാനു പതാക ഉയര്‍ത്തിയതോടെ സമ്മേളന നടപടികള്‍ ആരംഭിച്ചത്. സംഘാടക സമിതി ചെയര്‍മാൻ അജ്മീന്‍ കരുവ അധ്യക്ഷതവഹിച്ചു. നാല് ലോക്കല്‍ കമ്മിറ്റികളില്‍നിന്നുള്ള പ്രതിനിധികളാണ് സമ്മേളനത്തില്‍ പങ്കെടുക്കുന്നത്. സമ്മേളനം പുതിയ ഭാരവാഹി തെരഞ്ഞെടുപ്പോടെ ഞായറാഴ്ച സമാപിക്കും.