നിയന്ത്രണംവിട്ട ചരക്കുലോറി ചായക്കടയിലേക്ക് ഇടിച്ചുകയറി

കുണ്ടറ: നിയന്ത്രണംവിട്ട ചരക്കുലോറി കടയിലേക്ക് ഇടിച്ചുകയറി, ആളപായമില്ല. കുണ്ടറ ഭാഗത്തുനിന്ന് കൊല്ലം ഭാഗത്തേക്ക് ചരക്കു കയറ്റി വന്ന നാഷനൽ പെർമിറ്റ് ലോറിയാണ് നിയന്ത്രണംവിട്ട് കേരളപുരം സ്​കൂളിന് സമീപത്തെ ചായക്കടയിലേക്ക് ഇടിച്ചുകയറിയത്. കേരളപുരം സ്വദേശി ബഷീറി‍ൻെറ ചായക്കടയിലേക്കാണ് വാഹനം ഇടിച്ചുകയറിയത്. ലോറി ഡ്രൈവർക്കുണ്ടായ ദേഹാസ്വാസ്​ഥ്യമാണ് വാഹനം നിയന്ത്രണം വിടാൻ കാരണം. രാവിലത്തെ കച്ചവടം കഴിഞ്ഞ് കടയടച്ചാൽ വൈകീട്ട്​ മാത്രമേ തുറക്കൂ. കട അടഞ്ഞുകിടന്നതിനാൽ ആളപായമുണ്ടായില്ല. പ്രദേശവാസികൾ ലോറി ഡ്രൈവറെ ഉടൻ പ്രദേശത്തെ സ്വകാര്യ ആശുപത്രിയിലെത്തിച്ചു. ചായക്കടയുടെ മുൻവശവും ലോറിയുടെ മുൻഭാഗവും ഭാഗികമായി തകർന്നു. കൊല്ലം-തേനി അലൈൻമെന്‍റിൽ പ്രതിഷേധം കിഴക്കേകല്ലട: കൊല്ലം-തേനി ബൈപാസിനായുള്ള അലൈൻമെന്‍റ്​ ജനവാസ കേന്ദ്രങ്ങളായ മുട്ടം, കൊച്ചുപ്ലാംമൂട് വാർഡിൽകൂടിയാക്കാനുള്ള സർവേ നടപടികൾക്കെതിരെ പ്രതിഷേധം. സർവേ നടപടികളിൽ നിന്നും പിന്മാറണമെന്ന് ആവശ്യപ്പെട്ട് തദ്ദേശവാസികൾ പ്രതിഷേധ പ്രകടനം നടത്തി. പഞ്ചായത്ത് വൈസ്​ പ്രസിഡന്‍റ്​ ഷാജി മുട്ടം ഉദ്ഘാടനം ചെയ്തു. തുടർപ്രക്ഷോഭങ്ങൾക്കായി ആക്ഷൻ കൗൺസിൽ രൂപവത്​കരിച്ചു.