സി.പി.കെ.പി വായനശാല കാടുകയറി നശിക്കുന്നു

കൊട്ടാരക്കര: കൊട്ടാരക്കരയുടെ സാംസ്​കാരിക കേന്ദ്രമായി 78 വർഷം മുമ്പ് ആരംഭിച്ച . ചുറ്റുമുള്ള ഭാഗം കാടുകയറി ഇഴജന്തുക്കളുടെ വിഹാര കേന്ദ്രമായിരിക്കുകയാണ്. ഒരു ലക്ഷത്തോളം പുസ്​തകങ്ങൾ അലമാരയിൽ അതേപടി കിടക്കുന്നുണ്ട്​. നിലവിൽ വൈകീട്ട് മൂന്നിന്​ മാത്രം തുറക്കുന്ന വായനശാലയിൽ പുസ്​തകം നൽകാൻ ആളില്ല. പൊലീസ്​ സ്റ്റേഷന് മുന്നിൽ പ്രവർത്തിക്കുന്ന വായനശാല ബസ്​ കയറാൻ നിൽക്കുന്നവരുടെ വിശ്രമകേന്ദ്രമാകുന്നു. ഒരു മാസം മുമ്പ്​ വായനശാലയെ സംരക്ഷിക്കുമെന്ന് നഗരസഭ ചെയർമാൻ എ. ഷാജു അറിയിച്ചെങ്കിലും തുടർനടപടി നടന്നിട്ടില്ല. വലിയ വാഹനങ്ങൾ ഈ വായനശാലയുടെ മുന്നിലൂടെ പോകുമ്പോൾ കെട്ടിടത്തിന്‍റെ സിമന്‍റ്​ പാളികൾ ഇടിഞ്ഞ് വീഴുന്നത് പതിവായിരിക്കുകയാണ്. 'ദി സിറ്റിസൺ 2022' കാമ്പയിൻ കൊട്ടാരക്കര: 'ദി സിറ്റിസൺ 2022' കാമ്പയിന്‍റെ കൊട്ടാരക്കര ബ്ലോക്ക് പഞ്ചായത്തുതല പ്രവർത്തനങ്ങൾ ജൂൺ ഏഴിന്​ നടക്കും. രാവിലെ 10ന് കൊട്ടാരക്കര ഗാന്ധിമുക്കിൽനിന്ന്​ സന്ദേശറാലിയും സ്വരാജ് പുരസ്​കാര ഓഡിറ്റോറിയത്തിൽ പൊതുസമ്മേളനവും നടക്കും. പൊതുസമ്മേളനം മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്‍റ്​ എം. ശിവപ്രസാദ്​ അധ്യക്ഷതവഹിക്കും. കൊടിക്കുന്നിൽ സുരേഷ് എം.പി ഭരണഘടനാ ആമുഖ പ്രകാശനം നിർവഹിക്കും. ജില്ല പഞ്ചായത്ത് പ്രസിഡന്‍റ്​ അഡ്വ. സാം കെ. ഡാനിയേൽ സന്ദേശം നൽകും.