ബുള്ളറ്റ് മോഷ്ടിച്ചയാൾ പിടിയിൽ

ശാസ്താംകോട്ട: കടയുടെ മുന്നിൽ ​െവച്ചിരുന്ന ബുള്ളറ്റ് മോഷ്ടിച്ച കേസിൽ യുവാവിനെ ശാസ്താംകോട്ട പൊലീസ് അറസ്റ്റ് ചെയ്തു. മയ്യനാട് ചരുവിള പുത്തൻവീട്ടിൽ ആശിഷ് (21) ആണ് അറസ്റ്റിലായത്. കഴിഞ്ഞ മാസം 23 നാണ് ഊക്കൻമുക്കിനും ഷാപ്പ് മുക്കിനും ഇടയിലുള്ള കടയുടെ മുന്നിൽ ​െവച്ചിരുന്ന ബുള്ളറ്റ് മോഷണം പോയത്. ഇരവിപുരം പൊലീസിന്‍റെ സഹായത്തോടെ ശാസ്താംകോട്ട എസ്.ഐ അനീഷ്. എ.എസ്.ഐ ഭുവനചന്ദ്രൻ നായർ, സി.പി.ഒ അരുൺകുമാർ, സി.പി.ഒ റാനിഷ് ആർ. പിള്ള എന്നിവരടങ്ങുന്ന സംഘമാണ് അറസ്റ്റ് ചെയ്തത്.