'കെ.എം.എം.എല്ലില്‍ നടന്ന പിന്‍വാതില്‍ നിയമനങ്ങൾ അന്വേഷിക്കണം'

കൊല്ലം: കെ.എം.എം.എല്ലില്‍ നടന്ന പിന്‍വാതില്‍ നിയമനങ്ങളെക്കുറിച്ച് അന്വേഷണം നടത്തണമെന്ന് ഐ.എന്‍.ടി.യു.സി സംസ്ഥാന പ്രസിഡന്‍റ്​ ആര്‍. ചന്ദ്രശേഖരന്‍. ഐ.എന്‍.ടി.യു.സി ജില്ല കമ്മിറ്റി ഭാരവാഹികളുടെയും റീജനല്‍ പ്രസിഡന്‍റുമാരുടെയും യോഗം ഉദ്ഘാടനം ചെയ്യുകയായിരുന്നു അ​ദ്ദേഹം. ജില്ല പ്രസിഡന്‍റ്​ എ.കെ. ഹഫീസ്​ അധ്യക്ഷതവഹിച്ചു. എസ്. നാസറുദ്ദീന്‍, ഏരൂര്‍ സുഭാഷ്, തെന്മല ശശിധരന്‍, കൃഷ്ണവേണി ജി. ശര്‍മ, കോതേത്ത്​ ഭാസുരന്‍, കെ.ജി. തുളസീധരന്‍നായര്‍, ചവറ ഹരീഷ്, ബി. ശങ്കരനാരായണപിള്ള, പനയം സജീവ്, ശ്രീനിവാസന്‍, എ.എം. റാഫി, കെ.എം. നൗഷാദ്, പാരിപ്പള്ളി വിനോദ്, തടത്തില്‍ സലിം, കുന്നിക്കോട് ഷാജഹാന്‍, ഫിലിപ്പ് കൊട്ടാരക്കര എന്നിവര്‍ സംസാരിച്ചു. ---------------------------------------- ഐ.എന്‍.ടി.യു.സി കുണ്ടറ: പെരുമ്പുഴ ഗവ.എല്‍.പി സ്‌കൂളിലെ പ്രവേശനോത്സവം പി.സി. വിഷ്ണുനാഥ് എം.എല്‍.എ ഉദ്ഘാടനം ചെയ്തു. ഇളമ്പള്ളൂര്‍ പഞ്ചായത്ത് പ്രസിഡന്‍റ് റെജി കല്ലംവിള അധ്യക്ഷത വഹിച്ചു. സ്‌കൂള്‍ ബാഗുകളുടെ വിതരണം പെരുമ്പുഴ സഹകരണബാങ്ക് പ്രസിഡന്‍റ്​ തുളസീദാസന്‍പിള്ള നിർവഹിച്ചു.