വലിയ ശബ്ദം മാത്രം...

കടയ്ക്കൽ: വലിയ ശബ്ദം കേട്ടത് മാത്രമേ മടത്തറ മേലേമുക്കിന് സമീപം കെ.എസ്.ആർ.ടി.സി വേണാട് ബസും ടൂറിസ്റ്റ് ബസും കൂട്ടിയിടിച്ചുണ്ടായ അപകടത്തിൽ പരിക്കേറ്റ പലർക്കും ഓർമയുള്ളൂ. കടയ്ക്കൽ താലൂക്ക് ആശുപത്രിയിൽ എത്തിയ ശേഷമാണ് ടൂറിസ്റ്റ് ബസ് വന്നിടിച്ചാണ് അപകടമുണ്ടായതെന്ന് കെ.എസ്.ആർ.ടി.സിയിലെ കണ്ടക്ടർ അടക്കമുള്ള യാത്രക്കാർ മനസ്സിലാക്കുന്നത്. വെളിച്ചം തീരെയില്ലാത്ത വളവിലായിരുന്നു അപകടം. ഇടിയുടെ ആഘാതത്തിൽ കെ.എസ്.ആർ.ടി.സി ബസി‍ൻെറ കണ്ടക്ടർക്ക് ബോധം നഷ്ടപ്പെട്ടിരുന്നു. ആശുപത്രിയിലെത്തിയ ശേഷമാണ് അപകട കാരണം അറിയുന്നത്.