കുട്ടികൾക്കായി കുരുത്തോല കളരി

ശാസ്താംകോട്ട: പള്ളിശ്ശേരിക്കൽ ഇ.എം.എസ് ഗ്രന്ഥശാല വായനശാല ബാലവേദിയുടെ നേതൃത്വത്തിൽ കുട്ടികൾക്കായി കുരുത്തോലകളരിയും വിവിധ കലാപരിപാടികളും സംഘടിപ്പിച്ചു. കോവൂർ കുഞ്ഞുമോൻ എം.എൽ.എ ഉദ്ഘാടനം ചെയ്തു. ഗ്രന്ഥശാല പ്രസിഡന്‍റ്​ ആർ. കൃഷ്ണകുമാർ അധ്യക്ഷത വഹിച്ചു. രവി പള്ളിശ്ശേരിക്കൽ തെങ്ങോല കൊണ്ട് വൈവിധ്യമാർന്ന നിരവധി അലങ്കാരവസ്തുക്കൾ നിർമിക്കാൻ കുട്ടികൾക്ക്​ പരിശീലനം നൽകി. സെക്രട്ടറി വി. അജയകുമാർ, അഭിലാഷ് ആദി, ജഗന്നാഥൻ എന്നിവർ നാടൻപാട്ട്, ചിത്രകല എന്നിവക്ക് പരിശീലനം നൽകി. തുടർന്ന് കുട്ടികളുടെ വിവിധ കലാപരിപാടികൾ നടന്നു. കെ.ആർ.ആദർശ്, പാർവതി എന്നിവർ നേതൃത്വം നൽകി.