റീട്ടെയിൽ മർച്ചന്‍റ്സ് അസോസിയേഷൻ വാർഷിക പൊതുയോഗം

കൊല്ലം: ക്വയിലോൺ ഡിസ്ട്രിക്ട് റീട്ടെയിൽ മർച്ചന്‍റ്​സ് അസോസിയേഷൻ 44ാമത് വാർഷിക പൊതുയോഗവും ഭരണസമിതി തെരഞ്ഞെടുപ്പും കെ.വി.വി.ഇ.എസ് ജില്ല പ്രസിഡന്‍റ്​ എസ്. ദേവരാജൻ ഉദ്ഘാടനം ചെയ്തു. അസോസിയേഷൻ പ്രസിഡന്‍റ്​ പിഞ്ഞാണിക്കട നജീബ് അധ്യക്ഷതവഹിച്ചു. ചികിത്സ ധനസഹായം കെ.വി.വി.എസ് ജില്ല ട്രഷറർ എസ്. കബീർ കൈമാറി. ജനറൽ സെക്രട്ടറി ജോൺസൺ ജോസഫ്, കെ.വി.വി.ഇ.എസ് ജില്ല ജനറൽ സെക്രട്ടറി ജി. ഗോപകുമാർ, ബി. രാജീവ്, എൻ. രാജീവ്, ഡോ. കെ. രാമഭദ്രൻ. എ.കെ. ജോഹർ, എം. ഷാജഹാൻ, രമേശ്കുമാർ, നിസാം, നേതാജി ബി. രാജേന്ദ്രൻ, എ. നിസാം എന്നിവർ സംസാരിച്ചു. ഭാരവാഹികൾ: പിഞ്ഞാണിക്കട നജീബ് (പ്രസി.), ജോൺസൺ ജോസഫ് (ജന.സെക്ര.), സിറ്റി ആർ. വേണുഗോപാൽ (ട്രഷ.), മേലൂർ ആർ. ശ്രീകുമാർ, ബി. രഘുനാഥ്, ബി. പ്രദീഷ്, രാമചന്ദ്രൻപിള്ള (വൈ.പ്രസി.), അൻവർ അസീസ്, ആർ. മനോജ്കുമാർ, എസ്. അനൂജ്, എസ്. സുരേഷ്​കുമാർ (സെക്ര.). ഉത്സവ ഘോഷയാത്രക്കിടെ സംഘർഷമുണ്ടാക്കിയ രണ്ടുപേർ പിടിയിൽ (ചിത്രം) കൊട്ടിയം: മുഖത്തല ക്ഷേത്രത്തിലെ ഉത്സവ ഘോഷയാത്ര കടന്നുവരുന്നതിനിടെ സംഘർഷമുണ്ടാക്കിയ സംഘത്തിലെ രണ്ടുപേരെ കൊട്ടിയം പൊലീസ് പിടികൂടി. തൃക്കോവിൽവട്ടം തട്ടാർകോണം കൽക്കുളം ക്ഷേത്രത്തിന് സമീപം ചന്ദ്ര ഭവനം വീട്ടിൽ സുബിൻ (33), പോരുവഴി മലനട ഇടയ്ക്കാട് മുണ്ടുകുളഞ്ഞിയിൽ അനീഷ് (35) എന്നിവരാണ് അറസ്റ്റിലായത്. പനയ്ക്കാലത്തുനിന്ന്​ എഴുന്നള്ളിച്ച്​ കൊണ്ടുവന്ന കെട്ടുകാളയെ മുരാരി ജങ്ഷനടുത്തുവെച്ച് ഇവരുടെ നേതൃത്വത്തിൽ സംഘം ചേർന്ന് തടഞ്ഞ് അക്രമിച്ചതായാണ് പരാതി. അറസ്റ്റിലായവരെ കോടതി റിമാൻഡ്​ ചെയ്തു. കൊട്ടിയം എസ്.ഐ സുജിത് ജി. നായർ, ഷിഹാസ്, ശ്യാമകുമാരി, റിനോക്സ്, എ.എസ്.ഐമാരായ ഫിറോസ് ഖാൻ, സുനിൽകുമാർ, സി.പി.ഒ.ഒർവൽ എന്നിവർ ചേർന്നാണ് പ്രതികളെ പിടികൂടിയത്.