പ്ലാസ്റ്റിക് ഫാക്ടറിക്കെതിരെ സെമിനാർ

ചിത്രം- ശാസ്താംകോട്ട: ശൂരനാട് വടക്ക് പടിഞ്ഞാറ്റംമുറി അഴകിയകാവ് ജി.എൽ.പി സ്കൂളിനു സമീപം പ്രവർത്തനം ആരംഭിക്കാൻ പോകുന്ന പി.വി.സി ഉൽപന്ന പ്ലാസ്റ്റിക് ഫാക്ടറിക്കെതിരെ നാട്ടുകാരുടെ നേതൃത്വത്തിൽ ആക്ഷൻ കൗൺസിൽ നടത്തിവരുന്ന സമരങ്ങളുടെ ഭാഗമായി സെമിനാർ നടത്തി. പഞ്ചായത്ത് പ്രസിഡന്‍റ്​ എസ്. ശ്രീകുമാർ ഉദ്​ഘാടനം ചെയ്തു. പഞ്ചായത്ത്‌ വൈസ് പ്രസിഡന്‍റ്​ ഇ. വിജയലക്ഷ്‌മി അധ്യക്ഷതവഹിച്ചു. പരിസ്ഥിതി പ്രവർത്തകൻ കെ.വി. രാമാനുജൻ തമ്പി വിഷയാവതരണം നടത്തി. എം.വി. ശശികുമാരൻ നായർ, കെ.എൻ.കെ. നമ്പൂതിരി, കെ. പ്രദീപ്, അജി, ജനപ്രതിനിധികളായ ഗംഗാദേവി, ശ്രീലക്ഷ്മി, കൺവീനർ രാജേഷ്, മനു മോഹൻ, ചെയർമാൻ ആർ. നളിനാക്ഷൻ, മധു എന്നിവർ സംസാരിച്ചു.