മത്സ്യസമ്പത്ത് സംരക്ഷിക്കാൻ ട്രോളിങ് നിരോധന കാലയളവുയർത്തണം

കൊല്ലം: സംസ്ഥാനത്തെ മത്സ്യസമ്പത്തിന്‍റെ കുറവ് നേരിടാൻ ട്രോളിങ് നിരോധന കാലാവധി 90 ദിവസമാക്കണമെന്ന് കേരള സ്വതന്ത്ര മത്സ്യത്തൊഴിലാളി ഫെഡറേഷൻ ജില്ല കമ്മിറ്റി. തീരക്കടലിലെ ഡബിൾ നെറ്റ് ട്രോളിങ്​, നൈറ്റ് ട്രോളിങ്, വെട്ടംവെച്ചുള്ള മത്സ്യബന്ധനം, റിംഗ്സീൻ വള്ളങ്ങൾ ഉൾപ്പെടെയുള്ളവയെ ഈ കാലയളവിൽ നിരോധിക്കണമെന്നും കമ്മിറ്റി ആവശ്യപ്പെട്ടു. നിലവിലെ 58 ദിവസ ട്രോളിങ്​ നിരോധനം 90 ദിവസമാക്കണമെന്ന ആവശ്യമുന്നയിച്ച് ജില്ല കേന്ദ്രങ്ങളിൽ മത്സ്യവറുതിയുടെ കാണപ്പുറങ്ങളെന്ന ശാസ്​ത്ര സദസ്സുകൾ സംഘടിപ്പിക്കാൻ ജില്ല കമ്മിറ്റി തീരുമാനിച്ചു. ജില്ല പ്രസിഡന്‍റ് എസ്. സ്റ്റീഫൻ അധ്യക്ഷത വഹിച്ചു. ക്രിസ്റ്റഫർ ബഞ്ചമിൻ, ജെയിംസ്, എം. ആംബ്രോസ്, പങ്ക്രസ് എന്നിവർ സംസാരിച്ചു.