രാഷ്ട്രീയ പാർട്ടി പ്രതിനിധികളെ ഒഴിവാക്കിയത് പ്രതിഷേധാർഹം

കൊല്ലം: പാരിപ്പള്ളി സർക്കാർ മെഡിക്കൽ കോളജിലെ ആശുപത്രി വികസന സമിതിയിൽനിന്ന്​ രാഷ്ട്രീയ പാർട്ടി പ്രതിനിധികളെ ഒഴിവാക്കിയത് പ്രതിഷേധാർഹമാണെന്ന് ഡി.സി.സി പ്രസിഡന്‍റ്​ പി. രാജേന്ദ്രപ്രസാദ്. മന്ത്രിമാരുടെ മാത്രം പ്രതിനിധികളെ ഉൾപ്പെടുത്തിയത് അനധികൃത നിയമനങ്ങൾ പിൻവാതിലിലൂടെ നടത്തി പാർട്ടിക്കാരെ തിരുകിക്കയറ്റാനാണെന്ന് അദ്ദേഹം ആരോപിച്ചു. ജനാധിപത്യ വ്യവസ്​ഥിതികളോടുള്ള വെല്ലുവിളിയാണ് ഇതിലൂടെ മന്ത്രി വീണ ജോർജ്​ നടത്തിയിരിക്കുന്നതെന്നും അദ്ദേഹം പറഞ്ഞു. കവിത ചർച്ച കൊല്ലം: ആസാദ് ആശിർവാദി‍ൻെറ 'നേർക്കാഴ്ച' കവിത ചർച്ച ഫേബ ഉദ്​ഘാടനം ചെയ്തു. ലളിത സദാശിവൻ അധ്യക്ഷത വഹിച്ചു. മാമ്പള്ളി ജി.ആർ. രഘുനാഥൻ, ഡോ.കെ.എസ്. ജയചന്ദ്രൻ, ജി. ദിവാകരൻ, രതീഷ് രാജേന്ദ്രൻ, ബാബു എൻ. കുരീപ്പുഴ, ഹിൽഡ ഷീല, എസ്.കെ. നന്ദശ്രീ എന്നിവർ പങ്കെടുത്തു.