ഇളമാട് ഗ്രാമപഞ്ചായത്ത് ഓഫിസ്​ പേപ്പർ രഹിതമാകുന്നു​

ഓയൂർ: ഇളമാട് പഞ്ചായത്ത് ഓഫിസ്​ പേപ്പർ രഹിതമാകുന്നതിന്‍റെ ഭാഗമായി നവീകരിച്ച ഇന്‍റഗ്രേറ്റഡ് ലോക്കൽ ഗവേണൽ മോണിറ്ററിങ് സിസ്റ്റം (ഐ.എൽ.ജി.എം.എസ്​), ഫ്രണ്ട് ഓഫിസ്​, റെക്കോഡ് റൂം, പുതിയതായി സ്ഥാപിച്ച ജനറേറ്റർ എന്നിവയുടെ ഉദ്ഘാടനം ഗ്രാമപഞ്ചായത്ത് പ്രസിഡന്‍റ് വാളിയോട് ജേക്കബ് നിർവഹിച്ചു. വൈസ്​ പ്രസിഡന്‍റ് കോമളകുമാരിയമ്മ, വികസന സമിതി അധ്യക്ഷൻ താജുദീൻ, സെക്രട്ടറി വിക്രമൻപിള്ള എന്നിവർ പങ്കെടുത്തു. ---------------------------------- ലാപ്ടോപ്പും പ്രോജക്ടറും വിതരണം കൊട്ടാരക്കര: ജില്ല പഞ്ചായത്ത് നടപ്പാക്കുന്ന വെളിച്ചം പദ്ധതിയിൽ ഉൾപ്പെടുത്തി വാളകം എം.കെ. കുമാരൻ ഗ്രന്ഥശാലക്ക് ലാപ്ടോപ്പും പ്രോജക്ടറും വിതരണം ചെയ്തു. ജില്ല പഞ്ചായത്തംഗം ബ്രിജേഷ് എബ്രഹാം ഉദ്ഘാടനം ചെയ്തു. ഗ്രന്ഥശാല പ്രസിഡന്‍റ് എം.പി. പ്രദീപ്കുമാർ അധ്യക്ഷത വഹിച്ചു. പ്രകാശ് ലക്ഷ്മണൻ, വാർഡ് മെംബർ അനീഷ് മംഗലത്ത്, എൻ. രവീന്ദ്രൻപിള്ള, വി. ദിലീപ്​കുമാർ, ജലജ ശ്രീകുമാർ, ജിറിൻ അച്ചൻകുഞ്ഞ്, പി. മനോഹരൻ എന്നിവർ സംസാരിച്ചു.