റേഷൻ വ്യാപാരികൾ ധർണ നടത്തി

കൊട്ടാരക്കര: വിവിധ ആവശ്യങ്ങളുന്നയിച്ച് റീട്ടെയിൽ റേഷൻ ഡീലേഴ്സ്​ അസോസിയേഷന്‍റെ നേതൃത്വത്തിൽ വ്യാപാരികൾ താലൂക്ക് സപ്ലൈ ഓഫിസിന് മുന്നിൽ ധർണ നടത്തി. പഴകിയതും ഉപയോഗശൂന്യവുമായ റേഷൻ സാധനങ്ങൾ വിതരണത്തിനെത്തിക്കുന്നത്​ തടയുക, സമയബന്ധിതമായി കടകളിൽ റേഷൻ സാധനങ്ങൾ എത്തിക്കുക, വാതിൽപ്പടി വിതരണത്തിൽ ധാന്യങ്ങൾ തൂക്കി നൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ. അസോസിയേഷൻ സംസ്ഥാന ട്രഷറർ കെ.ബി. ബിജു ഉദ്ഘാടനം ചെയ്തു. താലൂക്ക് പ്രസിഡന്‍റ്​ എസ്​. സദാശിവൻനായർ അധ്യക്ഷത വഹിച്ചു. ജി. കൃഷ്ണൻകുട്ടി നായർ, എ.എസ്​. ചന്ദ്രശേഖരൻപിള്ള, ടി. ശശിധരൻ, രാധാകൃഷ്ണപിള്ള, ശ്യാം വയലാ, അന്തമൺ സുധാകരൻ, ഡി.ബി. ഉണ്ണികൃഷ്ണൻ, രാധാകൃഷ്ണപിള്ള എന്നിവർ സംസാരിച്ചു.