പള്ളിമുക്ക്–ഭരണിക്കാവ് റോഡിലെ യാത്ര ദുരിതം

കുണ്ടറ: പള്ളിമുക്ക്-മൺറോതുരുത്ത് റോഡിന്‍റെ തുടക്കമായ പള്ളിമുക്ക് മുതൽ പൊട്ടിമുക്ക് വരെയുള്ള റോഡ് തകർന്നിട്ട് വർഷങ്ങൾ. കൊട്ടിയം-കുണ്ടറ-ഭരണിക്കാവ്-പുതിയകാവ് വഴി ദേശീയപാതയിൽ കയറുന്ന റോഡിലാണ് ഒന്നര കിലോമീറ്ററോളം റോഡ് തകർന്നത്. നിരവധി ബസുകളും സ്വകാര്യ വാഹനങ്ങളും കടന്നുപോകുന്ന റോഡാണ്​ ഇത്​. അടുത്ത സമയത്ത് ഇരുവശങ്ങളിലും മെറ്റൽ നിരത്തി വീതി കൂട്ടി. തുടർന്ന് ഒരു പണിയും പുരോഗമിക്കാത്തതിനാൽ മെറ്റൽ ഇളകി അവിടെയും കുഴിയായി. മഴയിൽ റോഡിൽ വെള്ളം കെട്ടിക്കിടന്ന കുഴികളിൽ വീണ്​ വാഹനങ്ങൾക്ക് ​േകടുപാടുകൾ സംഭവിക്കുന്നതും നിത്യസംഭവമാണ്. രണ്ട്​ വർഷത്തിലധികമായി റോഡ് പണി നീണ്ടുപോകുന്നു. സ്​കൂൾ കൂടി തുറക്കുന്നതോടെ യാത്ര കൂടുതൽ ദുഷ്കരമാകും.