ആധാരമെഴുത്ത് തൊഴിലാളികള്‍ പ്രതിഷേധിച്ചു

കുളത്തൂപ്പുഴ: ആധാരങ്ങള്‍ ഫോറം രൂപത്തിലാക്കുന്നതിനെതിരെ തിരുവനന്തപുരത്ത് സമരം ചെയ്ത തൊഴിലാളികളെയും നേതാക്കളെയും അറസ്റ്റുചെയ്ത് കേസെടുത്തതിനെതിരെ കുളത്തൂപ്പുഴയില്‍ ആധാരമെഴുത്തുകാര്‍ ധര്‍ണ സംഘടിപ്പിച്ചു. കഴിഞ്ഞ ദിവസം രാവിലെ സ്ഥാപനങ്ങള്‍ അടച്ചിട്ട് കുളത്തൂപ്പുഴ സബ് രജിസ്ട്രാർ ഓഫിസിനു മുന്നില്‍ സംഘടിപ്പിച്ച ധർണ ഓൾ കേരള ഡോക്യുമെന്‍റ് ആൻഡ്​ സ്ക്രൈബ് അസോസിയേഷന്‍ യൂനിറ്റ് പ്രസിഡന്‍റ് പി. സഹദേവന്‍ ഉദ്ഘാടനം ചെയ്തു. വൈസ്​ പ്രസിഡന്‍റ് കെ.ബി. മുരളി അധ്യക്ഷതവഹിച്ചു. സെക്രട്ടറി രാജേന്ദ്രപ്രസാദ്, പി.ജെ. രാജു, ജി. ശശിധരന്‍, രഞ്ജിത, പ്രസീദ സോമന്‍, സജന, മെറിന്‍, റീന, ടിന്‍റു, റഷീദ് എന്നിവർ പ​ങ്കെടുത്തു.