ഗോൾഡ് ആൻഡ്​ സിൽവർ മർച്ചൻറ്​​സ് അസോസിയേഷൻ ജില്ല തെരഞ്ഞെടുപ്പ് യോഗം

കൊല്ലം: ഓൾ കേരള ഗോൾഡ് ആൻഡ്​ സിൽവർ മർച്ചൻറ്​​സ് അസോസിയേഷൻ ജില്ല കമ്മിറ്റി തെരഞ്ഞെടുപ്പ് യോഗവും ബോധവത്കരണ സെമിനാറും റോഡ് ഷോയും ഞായറാഴ്ച നടക്കും. രാവിലെ 10ന് കൊല്ലം പ്രസ് ക്ലബ് ഹാളിൽ സ്വർണവില വ്യതിയാനത്തെ തുടർന്ന് നഷ്ടം വരാതെ എങ്ങനെ വ്യാപാരം ചെയ്യാം എന്നതിൽ എം.സി.എക്സ് ബുള്ളിയൻ ഹെഡ്ജിങ്​ ബോധവത്കരണ ക്ലാസ്. സംസ്ഥാന സമ്മേളനത്തോടനുബന്ധിച്ച്‌ ജൂലൈ രണ്ട് മുതൽ നാല് വരെ എറണാകുളത്ത് അങ്കമാലി അഡ്​ലക്സ് കൺ​െവൻഷൻ സെന്‍ററിൽ നടക്കുന്ന സ്വർണ വ്യാപാര പ്രദർശനത്തിന്‍റെ റോഡ് ഷോ എന്നിവയും നടക്കും. ജില്ല പ്രസിഡൻറ്​​ എസ്. അബ്ദുൽ നാസർ അധ്യക്ഷത വഹിക്കും. സംസ്ഥാന ജനറൽ സെക്രട്ടറി കെ. സുരേന്ദ്രൻ കൊടുവള്ളി, എം.സി.എക്സിന്‍റെ കേരള മേധാവി ബിജു ഗോപിനാഥ്, യുനൈറ്റഡ് എക്സിബിഷൻ ഡയറക്ടർ വി.കെ. മനോജ് എന്നിവർ പങ്കെടുക്കുമെന്ന് ജില്ല ജനറൽ സെക്രട്ടറി ബി. പ്രേമാനന്ദ് അറിയിച്ചു.