മുനമ്പം വള്ളം അപകടം; അപകടകാരണം അമിതഭാരമെന്ന് വിലയിരുത്തൽ

വൈ​പ്പി​ൻ: ക​ട​ൽ ശാ​ന്ത​മാ​യി​രു​ന്നി​ട്ടും കാ​ലാ​വ​സ്ഥ അ​നു​കൂ​ല​മാ​യി​ട്ടും വ​ള്ളം അ​പ​ക​ട​ത്തി​ൽ​പെ​ടാ​നും ര​ക്ഷാ​പ്ര​വ​ർ​ത്ത​നം വൈ​കാ​നും കാ​ര​ണ​മാ​യ​ത് വ​ള്ള​ത്തി​ൽ നി​റ​യെ ച​ര​ക്കു​ണ്ടാ​യ​തും പ​തി​വ് സ​ഞ്ചാ​ര​പാ​ത മാ​റി സ​ഞ്ച​രി​ച്ച​തു​മെ​ന്ന് നി​ഗ​മ​നം. സാ​ധാ​ര​ണ​ഗ​തി​യി​ൽ ആ​ഴ​ക്ക​ട​ലി​ൽ​നി​ന്ന്​ ബോ​ട്ടു​ക​ളും വ​ള്ള​ങ്ങ​ളും മെ​യി​ൻ ഹാ​ർ​ബ​ർ ദി​ശ​ക​ളി​ലേ​ക്കാ​ണ് സ​ഞ്ച​രി​ക്കാ​റ്. എ​ന്നാ​ൽ, ഇ​വ​ർ ചെ​റു ഹാ​ർ​ബ​ർ ല​ക്ഷ്യ​മാ​ക്കി സാ​ധാ​ര​ണ സ​ഞ്ചാ​ര​പാ​ത​യി​ൽ​നി​ന്ന്​ മാ​റി സ​ഞ്ച​രി​ച്ച​താ​ണ്​ അ​പ​ക​ടം പു​റം​ലോ​കം അ​റി​യാ​ൻ വൈ​കി​യ​തി​ന്​ കാ​ര​ണം.

കൊ​ച്ചി ല​ക്ഷ്യ​മാ​ക്കി സ​ഞ്ച​രി​ച്ച ബോ​ട്ട് അ​തി​ലൂ​ടെ ക​ട​ന്നു​പോ​യ​തി​നു​പി​ന്നാ​ലെ​യാ​ണ് അ​പ​ക​ട വി​വ​രം പു​റ​ത്ത​റി​യു​ന്ന​ത്. ക​ട​ലി​ൽ മ​ത്സ്യ​ബ​ന്ധ​നം ന​ട​ത്തി​ക്കൊ​ണ്ടി​രു​ന്ന ‘സ​മൃ​ദ്ധി’ എ​ന്ന ഇ​ൻ​ബോ​ർ​ഡ് വ​ള്ള​ത്തി​ൽ​നി​ന്ന്​ നി​റ​യെ ചാ​ള​യു​മാ​യി വ​രു​മ്പോ​ഴാ​യി​രു​ന്നു ഫൈ​ബ​ർ വ​ള്ളം അ​പ​ക​ട​ത്തി​ൽ​പെ​ട്ട​ത്. ക​ട​ലി​ൽ എ​ത്തി വ​ൻ വ​ള്ള​ങ്ങ​ളി​ൽ​നി​ന്നും മ​ത്സ്യം എ​ടു​ത്ത് ഹാ​ർ​ബ​റി​ൽ എ​ത്തി​ച്ച് വി​ൽ​പ​ന ന​ട​ത്തു​ന്ന​വ​രാ​ണ് ചാ​പ്പ ക​ട​പ്പു​റ​ത്തു​കാ​രാ​യ അ​ഞ്ചം​ഗ​സം​ഘം.

നി​ശ്ചി​ത തു​ക​ക്ക്​ പ്ര​തി​ഫ​ലം പ​റ​ഞ്ഞു​റ​പ്പി​ച്ച​ശേ​ഷം മ​ത്സ്യം ക​യ​റ്റി​യ ഇ​വ​ർ​ക്കൊ​പ്പം ഇ​ൻ​ബോ​ർ​ഡ് വ​ള്ള​ത്തി​ൽ​നി​ന്ന്​ ചെ​റു​വ​ള്ള​ത്തി​ൽ ക​യ​റി ക​ര​യി​ലേ​ക്ക് വ​ന്ന​വ​രാ​ണ് ആ​ല​പ്പു​ഴ പ​ള്ളി​ത്തോ​ട് സ്വ​ദേ​ശി​ക​ളാ​യ രാ​ജു​വും ആ​ന​ന്ദ​നും. അ​പ​ക​ട​ത്തി​ൽ ആ​ന​ന്ദ​ൻ ര​ക്ഷ​പ്പെ​ട്ടെ​ങ്കി​ലും സു​ഹൃ​ത്ത് രാ​ജു​വി​നെ ക​ണ്ടെ​ത്താ​നാ​യി​ട്ടി​ല്ല.