പുറത്തിറങ്ങിയാൽ കൊത്തും; പരുന്തിനെ പേടിച്ച്​ വീട്ടിനുള്ളിൽ കുടുങ്ങി അമ്മയും മകളും

വൈ​പ്പി​ൻ: പ​രു​ന്തി​നെ പേ​ടി​ച്ച്​ വീ​ട്ടി​ൽ​നി​ന്ന്​ പു​റ​ത്തി​റ​ങ്ങാ​നാ​കാ​തെ ക​ഴി​യു​ക​യാ​ണ് നാ​യ​ര​മ്പ​ല​ത്ത് ഒ​ര​മ്മ​യും മ​ക​ളും. പു​റ​ത്തി​റ​ങ്ങു​മ്പോ​ൾ പ​തി​വാ​യി ആ​ക്ര​മി​ക്കു​ന്ന കൃ​ഷ്ണ​പ്പ​രു​ന്തി​നെ പേ​ടി​ച്ച്​ ഒ​രാ​ഴ്ച​യി​ലേ​റെ​യാ​യാ​ണ്​ നാ​യ​ര​മ്പ​ലം കൊ​ച്ചു​വീ​ട്ടി​ൽ ചു​ള്ളി​പ​റ​മ്പി​ൽ ഓ​മ​ന​യും മ​ക​ൾ സോ​ന​യും വാ​തി​ല​ട​ച്ച്​ അ​ക​ത്തി​രു​ന്ന​ത്.

വീ​ടി​നു​പു​റ​ത്തെ ശൗ​ചാ​ല​യ​ത്തി​ൽ പോ​കാ​ൻ​പോ​ലും സാ​ധി​ക്കു​ന്നി​ല്ല. ന​ഗ​ര​ത്തി​ൽ ഒ​രു വ​ക്കീ​ൽ ഓ​ഫി​സി​ൽ ജോ​ലി ചെ​യ്യു​ന്ന ഓ​മ​ന പ​രു​ന്തി​നെ പേ​ടി​ച്ച് നേ​രം പു​ല​രും മു​മ്പേ ഒ​ളി​ച്ചു​പാ​ത്താ​ണ്​ ജോ​ലി​ക്ക് പോ​കു​ന്ന​ത്. തി​രി​ച്ചെ​ത്തു​മ്പോ​ൾ നേ​രം ഇ​രു​ട്ടാ​ൻ റോ​ഡി​ൽ കാ​ത്തു​നി​ൽ​ക്കും. ഇ​ട​ക്ക്​ പ​രു​ന്തി​ൽ​നി​ന്ന് ര​ക്ഷ​പ്പെ​ടാ​ൻ ഓ​ടി​യ​പ്പോ​ൾ വീ​ണ് പ​രി​ക്കേ​ൽ​ക്കു​ക​യും ചെ​യ്തു. ഇ​വ​രു​ടെ ഭ​ർ​ത്താ​വ് ശ​ശാ​ങ്ക​ൻ 17 വ​ർ​ഷം മു​മ്പ്​ മ​രി​ച്ച​താ​ണ്. ഇ​ള​യ മ​ക​ൾ സോ​ന വി​ദ്യാ​ർ​ഥി​നി​യും. മാ​സ​ങ്ങ​ൾ​ക്കു​മു​മ്പ്​ വി​വാ​ഹം ക​ഴി​ഞ്ഞ മൂ​ത്ത മ​ക​ൾ സോ​ണ​ക്ക്​ പ​രു​ന്തു​പേ​ടി കാ​ര​ണം ഒ​റ്റ ത​വ​ണ മാ​ത്ര​മേ വീ​ട്ടി​ലേ​ക്ക് വ​രാ​ൻ സാ​ധി​ച്ചു​ള്ളൂ.

ഈ ​വീ​ട്ടി​ലു​ള്ള​വ​രെ മാ​ത്ര​മേ പ​രു​ന്ത് ആ​ക്ര​മി​ക്കു​ന്നു​ള്ളൂ. എ​ന്നാ​ൽ, പ​രു​ന്തി​നെ ഉ​പ​ദ്ര​വി​ക്കു​ക​യോ ബു​ദ്ധി​മു​ട്ടി​ക്കു​ക​യോ ചെ​യ്തി​ട്ടി​ല്ലെ​ന്ന് വീ​ട്ടു​കാ​ർ പ​റ​യു​ന്നു. പ്ര​ദേ​ശ​ത്ത്​ വേ​റെ​യും ധാ​രാ​ളം പ​രു​ന്തു​ക​ളു​ണ്ട്. ശ​ല്യം സ​ഹി​ക്ക വ​യ്യാ​താ​യ​തോ​ടെ ര​ണ്ടു​മാ​സം മു​മ്പ്​ വാ​ർ​ഡ് അം​ഗം കെ.​വി. പ്ര​മോ​ദി​നെ വി​വ​രം അ​റി​യി​ക്കു​ക​യും അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ൽ പ​രു​ന്തി​നെ കൂ​ട്ടി​ലാ​ക്കു​ക​യും ചെ​യ്തു.

വാ​ർ​ഡ്​ അം​ഗ​ത്തി​ന്‍റെ സു​ഹൃ​ത്തു​ക്ക​ളി​ലൊ​രാ​ൾ ഇ​തി​നെ വീ​ട്ടി​ൽ കൊ​ണ്ടു​പോ​യെ​ങ്കി​ലും പി​റ്റേ​ന്നു​ത​ന്നെ പ​രു​ന്ത് രക്ഷപ്പെട്ട്​ വീ​ണ്ടും ഇ​വി​ടെ തി​രി​ച്ചെ​ത്തി. തു​ട​ർ​ന്ന്,​ വ​നം​വ​കു​പ്പി​ന്‍റെ സ​ഹാ​യം തേ​ടി. വ​നം​വ​കു​പ്പ് ഉ​ദ്യോ​ഗ​സ്ഥ​ർ പ​രു​ന്തി​നെ വ​ല​യി​ലാ​ക്കി ഉ​ൾ​വ​ന​ത്തി​ൽ വി​ട്ടു. എ​ന്നാ​ൽ, ര​ണ്ടു​മാ​സം തി​ക​യും മു​മ്പേ പ​രു​ന്ത്​ ഇ​ങ്ങോ​ട്ടു​ത​ന്നെ പ​റ​ന്നെ​ത്തി. വീ​ണ്ടും വ​നം വ​കു​പ്പി​ന്‍റെ സ​ഹാ​യം തേ​ടി​യെ​ങ്കി​ലും ത​ങ്ങ​ൾ​ക്ക് ഇ​നി ഒ​ന്നും ചെ​യ്യാ​ൻ സാ​ധി​ക്കി​ല്ലെ​ന്നും കൊ​ണ്ടു​പോ​യാ​ലും അ​ത്​ തി​രി​ച്ചു വ​രു​മെ​ന്നു​മാ​യി​രു​ന്നു ഉ​ദ്യോ​ഗ​സ്ഥ​രു​ടെ മ​റു​പ​ടി. അ​വ​സാ​ന വ​ഴി എ​ന്ന നി​ല​ക്ക്​ മാം​സം മു​റ്റ​ത്തേ​ക്ക് എ​റി​ഞ്ഞു​ന​ൽ​കി ഇ​ണ​ക്കാ​ൻ ശ്ര​മി​ക്കു​ക​യാ​ണ് ​ഇ​പ്പോ​ൾ ഈ ​കു​ടും​ബം.