മഴ ശക്തമായി തൃക്കാക്കരയിൽ ചോർച്ചയും

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ കാ​ര്യാ​ല​യ​ത്തി​ൽ മ​ഴ പെ​യ്താ​ൽ വെ​ള്ളം പു​റ​ത്തു​പോ​കി​ല്ല. ത​ക​ർ​ന്ന സീ​ലി​ങ്ങി​ലൂ​ടെ മു​ഴു​വ​ൻ വെ​ള്ള​വും അ​ക​ത്തെ​ത്തും. ക​ഴി​ഞ്ഞ ദി​വ​സം പെ​യ്ത മ​ഴ​യി​ൽ സീ​ലി​ങ്​ ത​ക​ർ​ന്ന​തോ​ടെ​യാ​യി​രു​ന്നു ചോ​ർ​ച്ച രൂ​ക്ഷ​മാ​യ​ത്. കോ​ടി​ക​ൾ മു​ട​ക്കി ന​വീ​ക​രി​ച്ച കെ​ട്ടി​ട​മാ​ണ്​ ന​ശി​ക്കു​ന്ന​ത്.

ഓ​ഫി​സ് കെ​ട്ടി​ട​ത്തി​ന്റെ ക​വാ​ടം, ഫ്ര​ണ്ട് ഓ​ഫി​സ്, സെ​ക്ര​ട്ട​റി​യു​ടെ ചേം​ബ​റി​ന്റെ മു​ൻ​വ​ശം, മു​ക​ൾ നി​ല​യി​ൽ ഇ​രു കെ​ട്ടി​ട​ങ്ങ​ളെ​യും ബ​ന്ധി​ക്കു​ന്ന ഇ​ട​നാ​ഴി, കൊ​ടി​മ​ര​ത്തി​ന്റെ ഭാ​ഗം തു​ട​ങ്ങി ഒ​ട്ടു​മി​ക്ക സ്ഥ​ല​ങ്ങ​ളി​ലും വെ​ള്ളം ചാ​ലി​ട്ടൊ​ഴു​കു​ന്ന സ്ഥി​തി​യാ​യി​രു​ന്നു. മ​ഴ ന​ന​യാ​തി​രി​ക്കാ​ൻ വ​രാ​ന്ത​യി​ൽ ക​യ​റി നി​ന്ന​വ​ർ കു​ട ചൂ​ടേ​ണ്ട അ​വ​സ്ഥ​യാ​യി​രു​ന്നു. ക​ഴി​ഞ്ഞ എ​ൽ.​ഡി.​എ​ഫ് ഭ​ര​ണ​സ​മി​തി​യു​ടെ അ​വ​സാ​ന വ​ർ​ഷ​മാ​ണ്​ ഫ്ര​ണ്ട് ഓ​ഫി​സ് ന​വീ​ക​രി​ച്ച​ത്.

നാ​ല​ര കോ​ടി​യോ​ളം രൂ​പ മു​ത​ൽ​മു​ട​ക്കി​ലാ​യി​രു​ന്നു ആ​ധു​നി​ക സം​വി​ധാ​ന​ങ്ങ​ളോ​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്. അ​ധി​കം വൈ​കാ​തെ സീ​ലി​ങ്ങി​ലും മേ​ൽ​ക്കൂ​ര​യി​ലും വി​ള്ള​ൽ വീ​ഴു​ക​യും മ​ഴ പെ​യ്താ​ൽ വെ​ള്ളം ചോ​രു​ന്ന സ്ഥി​തി​യു​മു​ണ്ടാ​യി. എ​ന്നാ​ൽ, ഇ​ക്കു​റി ചോ​ർ​ച്ച എ​ന്ന​തി​ലു​പ​രി ശ​ക്ത​മാ​യി കു​ത്തി​യൊ​ലി​ക്കു​ന്ന സ്ഥി​തി​യാ​യി​രു​ന്നു.