മഴ കനത്തു: തൃക്കാക്കരയിൽ മണ്ണിടിച്ചിൽ, മരങ്ങൾ കടപുഴകി

കാ​ക്ക​നാ​ട്: ശ​ക്ത​മാ​യ മ​ഴ​യി​ല്‍ തൃ​ക്കാ​ക്ക​ര​യി​ലെ വി​വി​ധ ഇ​ട​ങ്ങ​ളി​ൽ വ്യാ​പ​ക നാ​ശ​ന​ഷ്ട​ങ്ങ​ൾ. തെ​ങ്ങോ​ട് ഗ​വ. ഹൈ​സ്കൂ​ൾ വ​ള​പ്പി​ലെ മ​ൺ​തി​ട്ട 30 അ​ടി താ​ഴ്ച​യി​ലേ​ക്ക് ഇ​ടി​ഞ്ഞു. ചോ​ഴി​ക്ക​ര അ​മ്പ​ലം റോ​ഡി​ന്‍റെ ഒ​രു ഭാ​ഗ​വും നി​ലം​പ​തി​ച്ച​തോ​ടെ പ​ത്തോ​ളം വീ​ട്ടു​കാ​ർ ഉ​പ​യോ​ഗി​ക്കു​ന്ന റോ​ഡും അ​പ​ക​ടാ​വ​സ്ഥ​യി​ലാ​യി. റോ​ഡ​രി​കി​ലെ വൈ​ദ്യു​തി പോ​സ്റ്റ് ഏ​തു​നി​മി​ഷ​വും നി​ലം​പൊ​ത്തു​ന്ന നി​ല​യി​ലാ​ണ്.

മ​ണ്ണി​ടി​ഞ്ഞ പ്ര​ദേ​ശ​ത്ത് അ​ടി​യ​ന്ത​ര​മാ​യി സം​ര​ക്ഷ​ണ ഭി​ത്തി നി​ർ​മി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. തു​തി​യൂ​ർ മ​ൺ​പു​ര​ക്ക​ൽ ലെ​യ്​​നി​ൽ താ​മ​സി​ക്കു​ന്ന കു​ടും​ബ​ങ്ങ​ൾ സ​ഞ്ച​രി​ച്ചി​രു​ന്ന ന​ട​വ​ഴി​യു​ടെ ഒ​രു ഭാ​ഗ​ത്തെ മ​ണ്ണി​ടി​ഞ്ഞു. പ്രാ​യ​മേ​റി​യ​വ​രും രോ​ഗി​ക​ളും കു​ട്ടി​ക​ളും അ​ട​ക്കം ദു​രി​ത​ത്തി​ലാ​യി. തൃ​ക്കാ​ക്ക​ര ന​ഗ​ര​സ​ഭ ചെ​യ​ർ​പേ​ഴ്സ​ൻ രാ​ധാ​മ​ണി​പ്പി​ള്ള പ്ര​തി​നി​ധാ​നം ചെ​യ്യു​ന്ന ഡി​വി​ഷ​നാ​ണി​ത്. കൂ​ടാ​തെ പാ​ട്ടു​പു​ര​ക്ക​ൽ ബൈ​റോ​ഡി​ൽ സം​ര​ക്ഷ​ണ ഭി​ത്തി​യി​ടി​ഞ്ഞു​വീ​ണു. പ​ര​പ്പ​യി​ൽ ബ​ഷീ​റി​ന്‍റെ വീ​ട്ടി​ലേ​ക്കാ​ണ്​ സ്വ​കാ​ര്യ വ്യ​ക്തി​യു​ടെ സ്ഥ​ല​ത്തി​ന്‍റെ സം​ര​ക്ഷ​ണ​ഭി​ത്തി ഇ​ടി​ഞ്ഞു​വീ​ണ​ത്.

സീ​പോ​ർ​ട്ട് റോ​ഡ് ഭാ​ര​ത​മാ​ത കോ​ള​ജി​നു സ​മീ​പ​വും സി​വി​ൽ ലൈ​ൻ റോ​ഡ് പ​ട​മു​ക​ൾ ജു​മാ​മ​സ്ജി​ദി​ന് സ​മീ​പ​വും മ​ര​ങ്ങ​ൾ മ​റി​ഞ്ഞു​വീ​ണു. സീ​പോ​ർ​ട്ട് റോ​ഡി​ൽ ശ​നി​യാ​ഴ്ച രാ​വി​ലെ​യാ​ണ് സം​ഭ​വം. ഭാ​ര​ത​മാ​ത കോ​ള​ജി​നു സ​മീ​പ​ത്തെ കു​ഴി​മ​ന്തി ഹോ​ട്ട​ലി​നു​ചേ​ർ​ന്ന കൂ​റ്റ​ൻ മ​ര​മാ​ണ് സീ​പോ​ർ​ട്ട് റോ​ഡി​ന് കു​റു​കെ വീ​ണ​ത്. വൈ​ദ്യു​തി പോ​സ്റ്റി​ലെ ക​മ്പി​ക​ളി​ൽ മ​രം കു​ടു​ങ്ങി​യ​തി​നാ​ൽ വൈ​ദ്യു​തി ക​മ്പി​ക​ളും വി​വി​ധ ക​മ്പ​നി​ക​ളു​ടെ കേ​ബി​ളും പൊ​ട്ടു​ക​യും പോ​സ്റ്റ് അ​ട​ക്കം റോ​ഡി​ലേ​ക്ക് മ​റി​യു​ക​യു​മാ​യി​രു​ന്നു. മ​ണി​ക്കൂ​റോ​ളം ഗ​താ​ഗ​ത ത​ട​സ്സ​മു​ണ്ടാ​യി. ഏ​റ്റ​വും തി​ര​ക്കേ​റി​യ റോ​ഡാ​യ​തി​നാ​ൽ വാ​ഹ​ന​ങ്ങ​ളു​ടെ നീ​ണ്ട നി​ര​യാ​യി​രു​ന്നു. തൃ​ക്കാ​ക്ക​ര അ​ഗ്നി​ര​ക്ഷാ​കേ​ന്ദ്ര​ത്തി​ലെ ര​ണ്ട് യൂ​നി​റ്റ് സേ​ന​യെ​ത്തി ര​ണ്ട​ര​മ​ണി​ക്കൂ​ർ കൊ​ണ്ടാ​ണ് മ​രം മു​റി​ച്ചു​മാ​റ്റി​യ​ത്.

കാ​ക്ക​നാ​ട് കെ.​എ​സ്.​ഇ.​ബി ജീ​വ​ന​ക്കാ​ർ എ​ത്തി വൈ​ദ്യു​തി പോ​സ്റ്റും ക​മ്പി​ക​ളും നീ​ക്കം​ചെ​യ്തു. തൃ​ക്കാ​ക്ക​ര പൊ​ലീ​സും സ്ഥ​ല​ത്തെ​ത്തി​യി​രു​ന്നു. കൂ​ടാ​തെ പ​ട​മു​ക​ൾ ജു​മാ​മ​സ്ജി​ദ് സ​മീ​പ​ത്ത് മ​ര​ത്തി​ന്‍റെ ഒ​രു​ഭാ​ഗം ഒ​ടി​ഞ്ഞു​വീ​ണ്​ ഗ​താ​ഗ​തം ത​ട​സ്സ​പ്പെ​ട്ടു. റോ​ഡ​രി​കി​ൽ പാ​ർ​ക്ക് ചെ​യ്തി​രു​ന്ന കാ​റി​നു​മു​ക​ളി​ലേ​ക്കാ​ണ് മ​ര​ക്കൊ​മ്പ് വീ​ണ​ത്. കാ​റ് ഭാ​ഗി​ക​മാ​യി ത​ക​ർ​ന്നു. തൃ​ക്കാ​ക്ക​ര അ​ഗ്നി​ര​ക്ഷാ​സേ​ന​യെ​ത്തി​യാ​ണ് മ​ര​ങ്ങ​ൾ മു​റി​ച്ചു​മാ​റ്റി​യ​ത്.

കളമശ്ശേരിയിൽ ദേശീയപാതയിലടക്കം വെള്ളക്കെട്ട്

ക​ള​മ​ശ്ശേ​രി: ക​ന​ത്ത മ​ഴ​യി​ൽ ക​ള​മ​ശ്ശേ​രി​യി​ൽ ദേ​ശീ​യ പാ​ത​യി​ല​ട​ക്കം വെ​ള്ള​ക്കെ​ട്ട് തു​ട​രു​ന്നു. എ​ച്ച്.​എം.​ടി കോ​ള​നി​യി​ൽ സെ​പ്റ്റി​ക് ടാ​ങ്കും മ​ഞ്ഞു​മ്മ​ലി​ൽ കി​ണ​റും ഇ​ടി​ഞ്ഞു.

ദേ​ശീ​യ​പാ​ത ഇ​ട​പ്പ​ള്ളി ടോ​ൾ, വി.​പി. മ​ര​യ്ക്കാ​ർ റോ​ഡ്, പ​ത്ത​ടി​പ്പാ​ലം ഇ​ട റോ​ഡ്, വി.​ആ​ർ. ത​ങ്ക​പ്പ​ൻ റോ​ഡ്, മൂ​ലേ​പ്പാ​ടം എ​ന്നി​വി​ട​ങ്ങ​ളി​ൽ വെ​ള്ള​ക്കെ​ട്ടു​ണ്ടാ​യി. മൂ​ലേ​പ്പാ​ട​ത്ത് വെ​ള്ളം വീ​ടി​നു​സ​മീ​പം എ​ത്തി​യ​തി​നാ​ലും മ​ഴ തു​ട​രു​ന്ന​തി​നാ​ലും ജ​നം ഭീ​തി​യി​ലാ​ണ്. ടോ​ളി​ലും വി​വി മ​ര​യ്ക്കാ​ർ റോ​ഡി​ലും റോ​ഡ് ക​വി​ഞ്ഞ് വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ഴു​ണ്ടാ​കു​ന്ന ഓ​ള​ത്തി​ൽ ക​ട​ക​ളി​ലേ​ക്കും സ്ഥാ​പ​ന​ങ്ങ​ളി​ലേ​ക്കും ര​ണ്ടാം​ദി​ന​വും വെ​ള്ളം ഇ​ര​ച്ചു ക​യ​റു​ക​യാ​യി​രു​ന്നു.

പി​ന്നീ​ട് ന​ഗ​ര​സ​ഭ ജീ​വ​ന​ക്കാ​രെ​ത്തി ഓ​ട​ക​ളി​ലെ ത​ട​സ്സ​ങ്ങ​ൾ മാ​റ്റി​യ​പ്പോ​ൾ വെ​ള്ളം ഒ​ഴു​കി​പ്പോ​യി. എ​ച്ച്.​എം.​ടി കോ​ള​നി പ​ന്ത്ര​ണ്ടാം വാ​ർ​ഡി​ൽ പാ​ല​ച്ചു​വ​ടി​ന് സ​മീ​പം നെ​ല്ലി​ക്കാ​ത്ത് കു​ഴി വീ​ട്ടി​ൽ കൗ​ല​ത്തി​ന്‍റെ വീ​ടി​ന്‍റെ അ​ടു​ക്ക​ള​യോ​ട് ചേ​ർ​ന്ന സെ​പ്റ്റി​ക് ടാ​ങ്ക് ഇ​ടി​ഞ്ഞ​ു​താ​ഴ്ന്നു. മ​ഴ തോ​രാ​തെ പെ​യ്യു​ന്ന​തി​നാ​ൽ വീ​ടി​ന്‍റെ അ​ടു​ക്ക​ള​ഭാ​ഗം​കൂ​ടി ഇ​ടി​ഞ്ഞ് താ​ഴു​മോ​യെ​ന്ന ഭീ​തി​യി​ലാ​ണ് വീ​ട്ടു​കാ​ർ. മ​ഞ്ഞു​മ്മ​ൽ വാ​ർ​ഡ് 28ൽ ​മാ​തേ​ന​പ​റ​മ്പി​ൽ സ​ജീ​വ​ന്‍റെ വീ​ട്ടി​ലെ കി​ണ​ർ ഇ​ടി​ഞ്ഞു​താ​ഴ്ന്നു.

കുമ്പളത്ത് വീടുകളില്‍ വെള്ളംകയറി

മ​ര​ട്: തു​ട​ര്‍ച്ച​യാ​യി പെ​യ്യു​ന്ന ക​ന​ത്ത​മ​ഴ മൂ​ലം കു​മ്പ​ള​വും പ​രി​സ​ര​പ്ര​ദേ​ശ​ങ്ങ​ളും വെ​ള്ള​ക്കെ​ട്ടി​ലാ​യി. കു​മ്പ​ളം പ​ഞ്ചാ​യ​ത്ത് 14ാം വാ​ര്‍ഡി​ലെ പ​ല വീ​ട്ടി​ലും വെ​ള്ളം ക​യ​റി. കൊ​മേ​രോ​ത്ത് ത​മ്പി, വ​ട​ക്കേ​ട​ത്ത് അ​രു​ണ്‍ എ​ന്നി​വ​രു​ടെ വീ​ടു​ക​ളി​ല്‍ വെ​ള്ളം ക​യ​റി​യ​തി​നെ തു​ട​ര്‍ന്ന് മോ​ട്ടോ​ര്‍ വാ​ട​ക​ക്ക്​ എ​ടു​ത്ത് വെ​ള്ളം ഒ​ഴു​ക്കി​ക്ക​ള​യു​ക​യാ​യി​രു​ന്നു. കാ​ന​ക​ള്‍ ശു​ചി​യാ​ക്കാ​തി​രു​ന്ന​തി​നാ​ല്‍ പെ​യ്ത്ത് വെ​ള്ള​ത്തി​ന്‍റെ ഒ​ഴു​ക്ക് നി​ല​ച്ച​താ​ണ് വെ​ള്ള​ക്കെ​ട്ടി​ന് കാ​ര​ണ​മാ​യ​ത്.

കു​മ്പ​ള​ത്തെ പ്ര​ധാ​ന തോ​ടാ​യ കാ​പ്പി​ത്തോ​ട് മാ​ലി​ന്യം അ​ടി​ഞ്ഞു​കൂ​ടി ഒ​ഴു​ക്ക് നി​ല​ച്ച​തി​നാ​ല്‍ ശ​ക്ത​മാ​യ മ​ഴ​യ​ത്ത് വെ​ള്ള​ക്കെ​ട്ട് പ​തി​വാ​യി​രി​ക്കു​ക​യാ​ണ്. കു​മ്പ​ളം ഷാ​പ്പ്പ​ടി അ​ണ്ട​ര്‍ പാ​സി​ലും വെ​ള്ളം കെ​ട്ടി​നി​ന്ന് യാ​ത്ര​ചെ​യ്യാ​നാ​കാ​ത്ത സ്ഥി​തി​യാ​ണു​ള്ള​ത്. അ​ധി​കൃ​ത​ര്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.