വഴുതിപ്പോയ മന്ത്രിസ്ഥാനം തേടിയെത്തിയത്​ പ്രതിപക്ഷ നേതാവി​െൻറ രൂപത്തിൽ

പറവൂർ: പാർട്ടിക്ക്​ ഭരണം ലഭിച്ച കാലത്ത്​ വഴുതി​േപ്പായ മന്ത്രിസ്ഥാനം, ഭരണമില്ലാത്തപ്പോൾ പാർട്ടി എം.എൽ.എമാരെയാകെ നയിക്കേണ്ട ചുമതലയിലൂടെയാണ്​ സതീശനെ തേടിയെത്തിയത്​. അവസരങ്ങൾക്ക്​ പിന്നാലെ പോകാത്ത വി.ഡി. സതീശനെ അവ തേട​ിയെത്തുകയാണ്​ പതിവ്​. കിട്ടുമെന്ന്​ ഉറപ്പുള്ളത്​ നഷ്​ടമാകു​േമ്പാൾ പരിഭവവുമില്ല. അതുകൊണ്ടാണ്​ 2011ലെ ഉമ്മൻ ചാണ്ടി സർക്കാറിൽ ആരോഗ്യമന്ത്രിയായി പരിഗണിച്ചെങ്കിലും പിന്നീട്​ തഴയപ്പെട്ടപ്പോഴും കുലുങ്ങാതിരുന്നത്.

കൃത്യമായി കരുക്കൾ നീക്കാൻ അറിയാവുന്ന സമർഥനായ രാഷ്​ട്രീയക്കാരനാണ് സതീശനെന്ന്​ 35 വർഷത്തെ പ്രവർത്തനം തെളിവാണ്​. കൃത്യമായ ഗൃഹപാഠവും കൈകാര്യം ചെയ്യുന്ന വിഷയത്തിലെ അവഗാഹവും ചിട്ടയോടെയുള്ള പൊതുപ്രവർത്തനവുമാണ് സതീശനെ വ്യത്യസ്​തനാക്കുന്നത്. അതിനാൽ, യു.ഡി.എഫ്​ ഏറ്റവും പ്രതിസന്ധിയിലായ ഇൗ സമയത്ത്​ പ്രതിപക്ഷ നേതൃസ്ഥാനത്തേക്കുള്ള നിയമനം അർഹിച്ചതുതന്നെ.ഇടതുപക്ഷം തുടർച്ചയായി ജയിച്ചുകയറിയ പറവൂർ നിയോജക മണ്ഡലം പിടിച്ചെടുക്കാൻ കോൺഗ്രസ്​ ഏൽപിച്ച ദൗത്യവുമായാണ് 1996ൽ എറണാകുളം നെട്ടൂർ സ്വദേശിയായ സതീശൻ പറവൂരിലെത്തുന്നത്. കന്നിയങ്കത്തിൽ സി.പി.​​െഎയിലെ പി. രാജുവിനോട്​ പരാജയപ്പെ​ട്ടെങ്കിലും കൂസാതെ പറവൂരിൽ വീട് നിർമിച്ച് താമസമാക്കി സജീവരാഷ്​ട്രീയത്തിൽ മുഴുകി. 2001ലാണ്​ രാജുവിനെതന്നെ പരാജയപ്പെടുത്തി ആദ്യം എം.എൽ.എയാകുന്നത്. അഞ്ചാം തവണയാണ്​ പറവൂരിൽനിന്ന്​ തെരഞ്ഞെടുക്കപ്പെട്ടത്​.

ഓരോ തെരഞ്ഞെടുപ്പിലും ഭൂരിപക്ഷം ഉയർത്താൻ കാരണമായത്​ രാഷ്​ട്രീയത്തിന് അതീതമായ ബന്ധങ്ങളാണ്. ഇടതുപക്ഷം ആവനാഴിയിലെ സകല അസ്ത്രങ്ങളും പ്രയോഗിച്ചിട്ടും സതീശനെ വീഴ്ത്താനായില്ല. സി.പി.ഐ സംസ്ഥാന സെക്രട്ടറിയായിരുന്ന പന്ന്യൻ രവീന്ദ്രനെവരെ പരീക്ഷിച്ചിട്ടും പരാജയപ്പെട്ടു. കഴിഞ്ഞ നാലുവട്ടവും ജനശ്രദ്ധ പിടിച്ചുപറ്റുന്നവിധം സഭയിൽ തിളങ്ങാനായത്​ വിഷയങ്ങൾ പഠിച്ച് കൃത്യമായി അവതരിപ്പിക്കാനുള്ള കഴിവുകൊണ്ടാണ്​​.

എതിർപക്ഷത്തി​െൻറപോലും ആദരം പിടിച്ചുപറ്റുന്നതാണ്​ ഇൗ ശൈലി. നിയമസഭ ലൈബ്രറി ശരിക്കും ഉപയോഗപ്പെടുത്തുന്ന സതീശ​െൻറ ഇക്കാര്യത്തിലെ ഗുരു ആര്യാടൻ മുഹമ്മദാണ്. ​േമയ് 31ന് 57ാം ജന്മദിനം ആഘോഷിക്കുന്ന സതീശന് പിറന്നാൾ സമ്മാനംകൂടിയാണ്​ പ്രതിപക്ഷ നേതൃപദവി.