Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightParavurchevron_rightസാഹസിക യാത്രക്ക് ശേഷം...

സാഹസിക യാത്രക്ക് ശേഷം തിരിച്ചെത്തിയ അമ്മക്കും മകനും സ്വീകരണം

text_fields
bookmark_border
സാഹസിക യാത്രക്ക് ശേഷം തിരിച്ചെത്തിയ അമ്മക്കും മകനും സ്വീകരണം
cancel

പറവൂർ: മഞ്ഞുമൂടിയ ലഡാക്കിലേക്ക് മോട്ടോർ ബൈക്കിൽ സാഹസിക യാത്ര നടത്തി തിരിച്ചെത്തിയ അമ്മക്കും മകനും സ്വീകരണം നൽകി. ഏപ്രിൽ 20ന് ലഡാക്കിലേക്ക് പുറപ്പെട്ട ഏഴിക്കര കടക്കര സ്വദേശികളായ സിന്ധുവും മകൻ ഗോപകുമാറുമാണ് 25 ദിവസംകൊണ്ട് 8400ൽപരം കിലോമീറ്റർ മാറി മാറി ബൈക്ക് ഓടിച്ച് ദൗത്യം പൂർത്തിയാക്കി ശനിയാഴ്ച നാട്ടിലെത്തിയത്. കടക്കര റോഡിൽ കാത്തുനിന്ന നാട്ടുകാർ പൂച്ചെണ്ട് നൽകി സ്വീകരിച്ചു.

രണ്ട് വർഷമായി ആഗ്രഹിച്ചുനടന്ന കാര്യം സാധിച്ചതിലെ സന്തോഷത്തിലാണ് അമ്മയും മകനും. ഭാഷയും കാലാവസ്ഥയും രാത്രി താമസവുമൊന്നും യാത്രക്ക് തടസ്സമായില്ലെന്ന് ഇരുവരും പറഞ്ഞു. കടുത്ത തണുപ്പും ഓക്സിജൻ കുറവും ശാരീരികമായി അധികം അലട്ടിയില്ല. സൈനികർ ധരിക്കാൻ കോട്ടും ഭക്ഷണവും നൽകി.

തിരിച്ചുള്ള യാത്രക്ക് മറ്റൊരു വഴിയാണ് തിരഞ്ഞെടുത്തത്. മണാലിയിൽ മഞ്ഞുവീഴ്ച മൂലം രണ്ടുനാൾ തങ്ങേണ്ടി വന്നു. അടുത്ത സീസണിൽ കുടുംബവുമൊത്ത് ലഡാക്കിൽ പോകാൻ പരിപാടിയുണ്ടെന്ന് സിന്ധു പറഞ്ഞു. ബൈക്കിൽ തന്നെ മറ്റു ചില യാത്രകളും പ്ലാൻ ചെയ്തിട്ടുണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:adventurous trip
News Summary - Reception for mother and son returning after an adventurous trip
Next Story