കൊയ്തെടുത്ത നെല്ല് മഴയിൽ കുതിർന്നു

പ​റ​വൂ​ർ: ഒ​രാ​ഴ്ച മു​മ്പ് കൊ​യ്തെ​ടു​ത്ത നെ​ല്ല് ഞാ​യ​റാ​ഴ്ച പു​ല​ർ​ച്ച ഉ​ണ്ടാ​യ മ​ഴ​യി​ൽ ന​ന​ഞ്ഞു. ശേ​ഖ​രി​ക്കാ​ൻ ബ​ന്ധ​പ്പെ​ട്ട​വ​ർ എ​ത്താ​ത്ത​തി​നാ​ൽ ക​ർ​ഷ​ക​ർ ചാ​ക്കി​ൽ കെ​ട്ടി പാ​ട​ത്ത്​ സൂ​ക്ഷി​ച്ച​താ​യി​രു​ന്നു.

നെ​ല്ല് എ​റ്റെ​ടു​ക്ക​ണ​മെ​ന്ന ക​ർ​ഷ​ക​രു​ടെ ആ​വ​ശ്യം കേ​ൾ​ക്കാ​ൻ ആ​രു​മു​ണ്ടാ​യി​ല്ല. ഇ​നി നെ​ല്ല് പാ​ട​ത്തു​നി​ന്നും ചു​മ​ന്നു മാ​റ്റി ഉ​ണ​ക്കി വേ​ണം വി​ൽ​പ​ന ന​ട​ത്താ​ൻ. കൂ​ലി ഉ​ൾ​പ്പെ​ടെ ക​ർ​ഷ​ക​ർ​ക്ക് വ​ൻ ന​ഷ്​​ട​ത്തി​നി​ട​യാ​ക്കി.

ഉ​ത്ത​രേ​ന്ത്യ​ൻ ക​ർ​ഷ​ക​രോ​ട് കാ​ണി​ച്ച ആ​വേ​ശ​മൊ​ന്നും പു​ത്ത​ൻ​വേ​ലി​ക്ക​ര​യി​ലെ ക​ർ​ഷ​ക​നോ​ട് കാ​ണി​ച്ചി​ല്ലെ​ന്ന് പ​രാ​തി​യു​ണ്ട്. പു​ത്ത​ൻ​വേ​ലി​ക്ക​ര പ​ഞ്ചാ​യ​ത്തി​ലെ താ​ഴ​ഞ്ചി​റ പാ​ട​ശേ​ഖ​ര​ത്ത് കൊ​യ്തു ക​ഴി​ഞ്ഞ് ചാ​ക്കി​ൽ കെ​ട്ടി സൂ​ക്ഷി​ച്ചി​രു​ന്ന നെ​ല്ലാ​ണ് ന​ന​ഞ്ഞു കു​തി​ർ​ന്ന​ത്.

സ​പ്ലൈ​കോ കാ​ല​ടി​യി​ലെ കാ​വേ​രി മി​ൽ​സ് എ​ന്ന സ്വ​കാ​ര്യ സ്ഥാ​പ​ന​ത്തെ​യാ​ണ് നെ​ല്ല് സം​ഭ​രി​ക്കാ​ൻ ചു​മ​ത​ല​പ്പെ​ടു​ത്തി​യ​ത്. ഇ​വ​ർ ആ​ദ്യം കൊ​യ്ത 40 ട​ണ്ണോ​ളം നെ​ല്ല് ശേ​ഖ​രി​ച്ചു.

അ​തി​ന് ശേ​ഷം 70 ട​ൺ നെ​ല്ല് കൊ​ണ്ടു​പോ​യി​ട്ടി​ല്ല. ക​ഴി​ഞ്ഞ ദി​വ​സം സ​മൂ​ഹ മാ​ധ്യ​മ​ങ്ങ​ളി​ലൂ​ടെ ക​ർ​ഷ​ക​ർ ത​ങ്ങ​ളു​ടെ വി​ഷ​മം അ​ധി​കൃ​ത​രു​ടെ ശ്ര​ദ്ധ​യി​ൽ കൊ​ണ്ടു​വ​ന്നി​രു​ന്നു.

താ​ഴ​ഞ്ചി​റ​യി​ലെ സു​ര, ജോ​ർ​ജ്, തോ​മ​സ്, രാ​ജു, ജോ​സ​ഫ് തു​ട​ങ്ങി​യ​വ​രു​ടെ ട​ൺ ക​ണ​ക്കി​ന് നെ​ല്ലാ​ണ് മ​ഴ​യി​ൽ കു​തി​ർ​ന്ന​ത്.