ദേശീയപാത ഇരുട്ടിൽ; കണ്ണടച്ചിരുട്ടാക്കി അധികൃതരും

പ​റ​വൂ​ർ: ദേ​ശീ​യ​പാ​ത 66ന്റെ ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​മ്പോ​ൾ നി​ല​വി​ലെ റോ​ഡി​ലെ ഗ​താ​ഗ​തം അ​നു​ദി​നം വ​ഷ​ളാ​കു​ന്നു. ത​ക​ർ​ച്ച​യി​ലാ​യ റോ​ഡി​ൽ പ​ല ഭാ​ഗ​ത്തും വ​ഴി​വി​ള​ക്കു​ക​ൾ ക​ണ്ണ​ട​ച്ച​തും ദു​രി​തം ഇ​ര​ട്ടി​യാ​ക്കു​ന്നു.

പ​രാ​തി കേ​ൾ​ക്കാ​ൻ​പോ​ലും പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രും ദേ​ശീ​യ​പാ​ത അ​ധി​കൃ​ത​രും ത​യാ​റാ​വു​ന്നി​ല്ലെ​ന്നാ​ണ് ജ​ന​പ്ര​തി​നി​ധി​ക​ളും പ​റ​യു​ന്ന​ത്. മൂ​ത്ത​കു​ന്നം മു​ത​ൽ വ​രാ​പ്പു​ഴ വ​രെ റോ​ഡി​ൽ പ​ല ഭാ​ഗ​ത്തും ച​ളി​യും കു​ഴി​യും നി​റ​ഞ്ഞ് അ​പ​ക​ട കെ​ണി​യൊ​രു​ക്കി​യി​രി​ക്കു​ക​യാ​ണ്. വ​ഴി​ക്കു​ള​ങ്ങ​ര മു​ത​ൽ ഘ​ണ്ടാ​ക​ർ​ണ​ൻ വെ​ളി വ​രെ വ​ഴി​വി​ള​ക്കു​ക​ൾ ക​ണ്ണ​ട​ച്ചി​ട്ട് ആ​ഴ്ച​ക​ളാ​യി. അ​പ​ക​ടം പ​തി​വാ​യ ഇ​വി​ടെ രാ​ത്രി​യാ​ത്ര ദു​ഷ്​​ക​ര​മാ​ണ്. മ​ഴ​യു​ള്ള​പ്പോ​ൾ അ​തി​ഗു​രു​ത​ര​വും. നി​ത്യ​വും ഇ​രു​ച​ക്ര വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്നു​ണ്ടെ​ങ്കി​ലും അ​ധി​കൃ​ത​ർ നി​സ്സം​ഗ​ത തു​ട​രു​ക​യാ​ണ്.

ദേ​ശീ​യ​പാ​ത പ്രോ​ജ​ക്ട് ഓ​ഫി​സ​റും എ​ൻ.​എ​ച്ച് 66 നി​ർ​മാ​ണ ചു​മ​ത​ല​യു​ള്ള ഓ​റി​യ​ന്റ​ൽ ക​മ്പ​നി​യും ത​മ്മി​ലെ ധാ​ര​ണ പ്ര​കാ​രം പു​തി​യ എ​ൻ.​എ​ച്ച് നി​ർ​മാ​ണം തീ​രു​ന്ന​ത് വ​രെ നി​ല​വി​ലെ റോ​ഡി​ന്റെ പ​രി​പാ​ല​നം ഓ​റി​യ​ന്റ​ൽ ക​മ്പ​നി​ക്കാ​ണെ​ന്ന് പ​റ​യു​ന്നു. എ​ൻ.​എ​ച്ച്.​എ.​ഐ അ​ധി​കാ​രി​ക​ളും ഓ​റി​യ​ന്റ​ൽ ക​മ്പ​നി​യും ന​ട​ത്തു​ന്ന ‘നാ​ട​കം’ അ​വ​സാ​നി​പ്പി​ച്ച് നി​ല​വി​ലെ റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.