വെടിമറയിലെ മാലിന്യ സംഭരണകേന്ദ്രത്തിൽ ബയോമൈനിങ് വൈകുന്നത് ഭീതി വളർത്തുന്നു

പ​റ​വൂ​ർ: ന​ഗ​ര​സ​ഭ പ​ത്താം വാ​ർ​ഡ് വെ​ടി​മ​റ​യി​ലെ മാ​ലി​ന്യ സം​ഭ​ര​ണ​കേ​ന്ദ്ര​ത്തി​ൽ വ​ർ​ഷ​ങ്ങ​ളാ​യി കു​ന്നു​കൂ​ടി​യ മാ​ലി​ന്യം ശാ​സ്ത്രീ​യ​മാ​യി സം​സ്ക​രി​ക്കാ​നു​ള്ള ബ​യോ മൈ​നി​ങ് വൈ​കു​ന്ന​ത് ന​ഗ​ര​വാ​സി​ക​ളി​ൽ ഭീ​തി വ​ള​ർ​ത്തു​ന്നു.

150 ഓ​ളം ട​ൺ മാ​ലി​ന്യം ഇ​വി​ടെ കെ​ട്ടി​ക്കി​ട​ക്കു​ന്ന​താ​യാ​ണ് നി​ഗ​മ​നം. വേ​ന​ൽ ക​ടു​ത്ത​തോ​ടെ തീ​പി​ടി​ത്ത ഭീ​ഷ​ണി നി​ല​നി​ൽ​ക്കു​ന്നു. നേ​ര​ത്തെ ഇ​വി​ട​ത്തെ മാ​ലി​ന്യ​ത്തി​ന്​ തീ​പി​ടി​ച്ചി​രു​ന്നു. ലോ​ക ബാ​ങ്ക്​ സ​ഹാ​യ​ത്തോ​ടെ കേ​ര​ള സോ​ളി​ഡ് വേ​സ്റ്റ് മാ​നേ​ജ്മെൻറ് പ്രോ​ജ​ക്ടാ​ണ് ഇ​വി​ടെ ബ​യോ മൈ​നി​ങ് ന​ട​പ്പാ​ക്കു​ന്ന​ത്.

ക​ഴി​ഞ്ഞ ഒ​ക്ടോ​ബ​റി​ൽ ബ​യോ മൈ​നി​ങ് പൂ​ർ​ത്തി​യാ​ക്കു​മെ​ന്ന വാ​ഗ്ദാ​നം പാ​ലി​ക്ക​പ്പെ​ട്ടി​ല്ല. ന​ഗ​ര​സ​ഭ​യു​ടെ നി​ര​ന്ത​ര ഇ​ട​പെ​ട​ൽ മൂ​ലം ഡി​സം​ബ​ർ 15ന് ​കേ​ര​ള സോ​ളി​ഡ് വേ​സ്റ്റ് മാ​നേ​ജ്മെ​ന്‍റ്​​ പ്ര​തി​നി​ധി​ക​ൾ മാ​ലി​ന്യ സം​ഭ​ര​ണ കേ​ന്ദ്രം സ​ന്ദ​ർ​ശി​ച്ചി​രു​ന്നു.

തു​ട​ർ​ന്ന് 21ന് ​ഡ്രോ​ൺ സ​ർ​വേ ആ​രം​ഭി​ച്ചു. പി​ന്നീ​ട് ന​ട​പ​ടി​ക​ൾ മ​ന്ദ​ഗ​തി​യി​ലാ​യി. മ​ണ്ണ് പ​രി​ശോ​ധ​ന, സാ​മൂ​ഹി​കാ​ഘാ​ത പ​ഠ​നം, പ​രി​സ്ഥി​തി ആ​ഘാ​ത പ​ഠ​നം എ​ന്നി​വ പൂ​ർ​ത്തി​യാ​ക്കാ​നു​ണ്ട്. ജ​ന​വ​രി​യി​ൽ ബ​യോ മൈ​നി​ങ് പൂ​ർ​ത്തി​യാ​ക്കു​മെ​ന്ന അ​വ​കാ​ശ​വാ​ദ​വും പൊ​ളി​ഞ്ഞി​രി​ക്കു​ക​യാ​ണ്. ന​ഗ​ര​സ​ഭ ന​ട​പ​ടി​ക​ൾ പൂ​ർ​ത്തി​യാ​ക്കി​യി​ട്ടു​ണ്ട്.

മൂ​ന്ന് ഏ​ക്ക​ർ വ​രു​ന്ന മാ​ലി​ന്യ സം​ഭ​ര​ണ കേ​ന്ദ്ര​ത്തി​ലെ കു​ന്നു​കൂ​ടി കി​ട​ക്കു​ന്ന മാ​ലി​ന്യ​ങ്ങ​ൾ സം​സ്ക​രി​ച്ച് സ്ഥ​ലം നി​ര​പ്പാ​ക്കി​യെ​ടു​ക്കേ​ണ്ട​തു​ണ്ട്. നി​ല​വി​ൽ പ്ലാ​സ്റ്റി​ക്കും ജൈ​വ മാ​ലി​ന്യ​ങ്ങ​ളും ഇ​ട​ക​ല​ർ​ന്ന് കി​ട​ക്കു​ക​യാ​ണ്.

ബ്ര​ഹ്മ​പു​ര​ത്തി​ന് സ​മാ​ന​മാ​യ തീ​പി​ടി​ത്ത ഭീ​ഷ​ണി​യാ​ണ് ഇ​വി​ടെ​യു​ള്ള​ത്. നേ​ര​ത്തെ തീ​പി​ടി​ച്ച​പ്പോ​ൾ ഏ​ഴ് യൂ​നി​റ്റു​ക​ളി​ൽ നി​ന്നും പ​ത്തോ​ളം അ​ഗ്നി​ശ​മ​ന സേ​ന​യു​ടെ വാ​ഹ​ന​ങ്ങ​ൾ എ​ത്തി​യാ​ണ് തീ ​അ​ണ​ച്ച​ത്. അ​ന്ന് ന​ഗ​രാ​തി​ർ​ത്തി​യി​ലും സ​മീ​പ പ​ഞ്ചാ​യ​ത്തു​ക​ളി​ലും വി​ഷ​പ്പു​ക നി​റ​ഞ്ഞ് പ​ല​ർ​ക്കും ശ്വാ​സ ത​ട​സ്സ​വും ശാ​രീ​രി​ക ബു​ദ്ധി​മു​ട്ടു​ക​ളും ഉ​ണ്ടാ​യി.