കൂനമ്മാവിന​ു സമീപം സർവിസ് സെൻററിൽ തീപിടിത്തം

വരാപ്പുഴ: കൂനമ്മാവിന​ു സമീപം തിരുമുപ്പം ഒളനാട് റോഡിലെ റിപ്പയർ ആൻഡ്​​ സർവിസ് സെൻററിൽ തീപിടിത്തം. ഒട്ടേറെ ഉപകരണങ്ങൾ കത്തിനശിച്ചു. സാമുവൽ പി. ജോർജി​െൻറ സ്ഥാപനത്തിലാണ്​ തീപിടിച്ചത്​. ബുധനാഴ്​ച ഉച്ചക്ക് രണ്ടോടെയാണ് സംഭവം. അഗ്​നിരക്ഷാസേന എത്തിയാണ് തീയണച്ചത്.

വീടി​െൻറ രണ്ടാംനിലയിലാണ് സെൻറർ പ്രവർത്തിച്ചിരുന്നത്. തീപിടിത്തമുണ്ടായപ്പോൾ സാമുവലിെൻറ ഭാര്യയും മക്കളും താഴെനിലയിൽ ഉണ്ടായിരുന്നു. സർവിസിന്​ കൊടുത്തിരുന്ന ഉപകരണങ്ങളാണ് കത്തിനശിച്ചത്. നഷ്​ടം കണക്കാക്കിയിട്ടില്ല.

ഷോർട്ട് സർക്യൂട്ടാണ് കാരണമെന്ന് സംശയിക്കുന്നു. ഏലൂരിൽനിന്ന് സ്​റ്റേഷൻ ഓഫിസർ ടി.ബി. രാമകൃഷ്​ണ​െൻറ നേതൃത്വത്തിൽ എത്തിയ അഗ്​നിരക്ഷാസേനയാണ് തീയണച്ചത്. പറവൂരിൽനിന്നും അഗ്​നിരക്ഷാസേന എത്തിയിരുന്നു.