വിധി ദിനത്തിൽ ഒത്തു ചേർന്ന് മുന്നണി സ്ഥാനാർഥികൾ

മൂവാറ്റുപുഴ: മത്സരങ്ങളെല്ലാം ഒരുവഴിക്ക് നടക്കും. ഇവിടെ വ്യക്തിപരമായി നമ്മൾ തമ്മിൽ പ്രശ്നങ്ങളില്ല. മൂന്നു മുന്നണിയിലായി മത്സരിക്കുന്ന സ്ഥാനാർഥികളാണ് തെരഞ്ഞെടുപ്പുദിവസം ബൂത്തിന് മുന്നിൽ ഒരുമിച്ച് ഇരുന്ന് സന്തോഷം പങ്കിടുന്നത്. വോട്ട് ചെയ്യാനെത്തുന്ന വോട്ടർമാരെ ഒരിക്കൽകൂടി മുഖം കാണിച്ച് വോട്ടു തേടുന്നതിനിടെയാണ് ഈ ഒരുമിച്ചിരിക്കൽ.

പായിപ്ര ഗ്രാമപഞ്ചായത്ത് ഒന്നാം വാർഡിൽ മത്സരിക്കുന്ന എൽ.ഡി.എഫ് സ്ഥാനാർഥി ജയശ്രീ ശ്രീധരനും യു.ഡി.എഫ് സ്ഥാനാർഥി ശാലിനി ഷാജിയും എൻ.ഡി.എ സ്ഥാനാർഥി ഗീത വിജയനുമാണ്​ പായിപ്ര യു.പി സ്​കൂൾ മുറ്റത്ത് കൂടിച്ചേർന്നത് തെരഞ്ഞെടുപ്പ് പ്രവർത്തനങ്ങൾ ചർച്ചചെയ്തത്.

തദ്ദേശ ഭരണ തെരഞ്ഞെടുപ്പിൽ സ്ഥാനാർഥി പ്രഖ്യാപനം വന്നതോടെ ഒരുമാസമായി വോട്ടർമാരെ കാണാനും കുടുംബയോഗങ്ങളിലും പൊതുയോഗങ്ങളിലും പങ്കെടുത്ത് വിശ്രമമില്ലാതെ തെര​െഞ്ഞടുപ്പ് പ്രവർത്തനത്തിലായിരുന്ന മൂവരും. വോട്ടെടുപ്പ് ദിവസം വിശ്രമിക്കാൻ അൽപസമയം കിട്ടിയ സന്തോഷത്തിലായിരുന്നു.

കിട്ടിയ സമയത്തിനുള്ളിൽ വീട്ടുവിശേഷങ്ങളും നാട്ടുവിശേഷങ്ങളും അൽപം രാഷ്​ട്രീയവും മൂവരും ചർച്ചചെയ്തു. തെരഞ്ഞെടുപ്പു പ്രവർത്തനത്തിനിടക്ക് അൽപം പ്രസംഗിക്കാൻ പഠിച്ചതും എന്തി​െനയും നേരിടാനുള്ള മനോധൈര്യം ലഭിച്ചതുമാണ് ഏറ്റവും പ്രധാനപ്പെട്ട കാര്യമെന്നും ഇവർ പറഞ്ഞു.