നൗഫൽ മാഷ് മു​േമ്പ ഓൺലൈനാണ്​

മൂവാറ്റുപുഴ: 'കുഞ്ഞു മലയാളം' പേരിൽ നടത്തിയ ഓൺലൈൻ ക്ലാസിലൂടെ ശ്രദ്ധേയനായ നൗഫൽ മാഷ് അധ്യാപന രംഗത്ത് വേറിട്ട മാതൃകകൾ സൃഷ്​ടിക്കുന്നു. പായിപ്ര ഗവ. യു.പി സ്​കൂളിലെ അധ്യാപകനായ​ കെ.എം. നൗഫൽ കഴിഞ്ഞ അവധിക്കാലത്ത് കുഞ്ഞു മലയാളം എന്ന പേരിൽ നടത്തിയ ഓൺലൈൻ ക്ലാസ് ഏറെ ശ്രദ്ധ​ നേടിയിരുന്നു. ഇതറിഞ്ഞ പൊതുവിദ്യാഭ്യാസ വകുപ്പ് വിക്​​ടേഴ്​​സ്​ ചാനലിലൂടെ സംപ്രേക്ഷണം ചെയ്യുന്ന ഫസ്​റ്റ്​ ബെല്ലിൽ ഒന്നാം ക്ലാസ് വിദ്യാർഥികൾക്ക് ക്ലാസ് എടുക്കാൻ നൗഫലിന് അവസരം നൽകി.

പൊതുവിദ്യാഭ്യാസവകുപ്പ് ജില്ലയിലെ മികച്ച പരിസ്ഥിതി കോഓഡിനേറ്റർക്ക് നൽകുന്ന പുരസ്​കാരവും ഈ വർഷം നൗഫലിനാണ് ലഭിച്ചത്. മൂവാറ്റുപുഴ വിദ്യാഭ്യാസ ജില്ലയിൽ എൽ.എസ്.എസ് സ്​കോളർഷിപ് പരീക്ഷാ പരിശീലനത്തിന് നേതൃത്വം വഹിച്ചതിലൂടെ കഴിഞ്ഞ വർഷം എച്ച്.എം.ഇ.ഒ ഉപഹാരവും കരസ്​ഥമാക്കി. പേഴയ്ക്കാപ്പിള്ളി ഗവ. ഹയർ സെക്കൻഡറി സ്​കൂളിൽ വിജയകരമായി നടപ്പാക്കിയ കുഞ്ഞുമലയാളം പ്രവർത്തന പദ്ധതി എറണാകുളം ഡയറ്റി​െൻറ ക്രിയാ ഗവേഷണത്തിൽ ഉൾപ്പെടുത്തി അവതരിപ്പിച്ചു. കഴിഞ്ഞ വർഷം പാലക്കാട് നടന്ന ചോക്കുപൊടി അക്കാദമിക പഠനകോൺഗ്രസിൽ കുഞ്ഞുമലയാളം അവതരിപ്പിക്കുകയും ഡയറ്റ് ജേർണലിൽ പ്രസിദ്ധീകരിക്കുകയും ചെയ്​തു. ശനിയാഴ്​ചകളിൽ ജില്ലയിലെ സ്​കൂളുകളിൽ കുട്ടികൾക്ക് സൗജന്യമായി സ്കോളർഷിപ് പരിശീലനവും നൽകിയിരുന്നു.

ഈ അവധിക്കാലത്ത് കുട്ടികളെ ഉൾപ്പെടുത്തി നൗഫൽ സംവിധാനം ചെയ്​ത പാത്തുമ്മയുടെ ആട് ഷോർട്ട് ഫിലിമിന് 'അധ്യാപകക്കൂട്ടം' സംസ്​ഥാന തലത്തിൽ നടത്തിയ മത്സരത്തിൽ രണ്ടാം സ്​ഥാനം ലഭിച്ചു.ഇപ്പോൾ ഒഗ്​മെൻറ്​ റിയാലിറ്റിയിലൂടെ ഓൺലൈൻ ക്ലാസുകളുടെ തുടർച്ചയെന്നോണം കുട്ടികൾക്കായി ക്ലാസ് എടുത്തു വരുന്നു.