Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightMuvattupuzhachevron_rightഒളിവിൽ കഴിഞ്ഞ...

ഒളിവിൽ കഴിഞ്ഞ വധശ്രമക്കേസ് പ്രതി പിടിയിൽ

text_fields
bookmark_border
ഒളിവിൽ കഴിഞ്ഞ വധശ്രമക്കേസ് പ്രതി പിടിയിൽ
cancel

മൂവാറ്റുപുഴ: ഒളിവിൽ കഴിഞ്ഞ വധശ്രമക്കേസ് പ്രതിയെ മൂവാറ്റുപുഴ പൊലീസ് അറസ്​റ്റ്​ ചെയ്തു. മുളവൂർ ആലപ്പാട്ട് വീട്ടിൽ മെര്‍ഷിദിനെയാണ്​ (34) കോതമംഗലം നങ്ങേലിപ്പടിയിലെ ഒളിസങ്കേതത്തിൽനിന്ന് കഴിഞ്ഞദിവസം വൈകീട്ട് പിടികൂടിയത്. 2019 ഡിസംബർ 27ന് മുളവൂർ പൊന്നിരിക്കപറമ്പിൽ സുഹൃത്തുക്കളെ കാണാനെത്തിയ യുവാക്കളെ ആക്രമിക്കുകയും ഇന്നോവ കാർ തകർക്കുകയും ചെയ്ത കേസിലെ ഒന്നാം പ്രതിയായ മെർഷിദ്​ സംഭവത്തിനുശേഷം ഗോവയിലേക്ക് കടക്കുകയായിരുന്നു.

പൊലീസ് സംഘത്തെ വെട്ടിച്ച് മുളവൂർ തോട്ടിൽ ചാടിയ ഇയാൾ സമീപത്തെ വീട്ടിലെ അഴയിൽ കിടന്ന നൈറ്റി എടുത്ത് അണിഞ്ഞാണ്​ കടന്നുകളഞ്ഞത്. ഗോവ, ബംഗളൂരു എന്നിവിടങ്ങളിൽ കഴിഞ്ഞശേഷം രണ്ടുമാസം മുമ്പാണ് കോതമംഗലത്തെത്തിയത്. തുടർന്ന് ഒരു സ്വകാര്യസ്ഥാപനത്തിൽ ജോലിക്ക്​ കയറുകയായിരുന്നു.

ആലുവ, കോതമംഗലം, കൂത്താട്ടുകുളം, കാഞ്ഞിരപ്പള്ളി, മൂവാറ്റുപുഴ എന്നിവിടങ്ങളിൽ നിരവധി വധശ്രമ, അടിപിടി കേസിലും ഇയാൾ പ്രതിയാണെന്ന്​ പൊലീസ് പറഞ്ഞു. സാക്ഷികളെയും എതിർകക്ഷികളെയും ഗുണ്ടസംഘങ്ങളെ ഉപയോഗിച്ച് ഭീഷണിപ്പെടുത്തി പിന്തിരിപ്പിക്കുകയും ചെയ്യും.

ഡിവൈ.എസ്.പി മുഹമ്മദ്‌ റിയാസി​െൻറ നേതൃത്വത്തിൽ രൂപവത്​കരിച്ച പ്രത്യേക അന്വേഷണസംഘമാണ് കസ്​റ്റഡിയിലെടുത്തത്. എസ്.ഐമാരായ വി.കെ. ശശികുമാർ, ആർ. അനിൽകുമാർ, എ.എസ്.ഐമാരായ പി.സി. ജയകുമാർ, ഇ.ആർ. ഷിബു, സീനിയർ സി.പി.ഒമാരായ കെ.എസ്​. ഷനിൽ, ബിബിൽ മോഹൻ എന്നിവരും അന്വേഷണ സംഘത്തിലുണ്ടായിരുന്നു.

Show Full Article
TAGS:Murder Attempt Case man arrested accused held 
News Summary - absconded murder attempt case accused caught
Next Story