ആകാശയാത്രയൊരുക്കി വ​യോ​മി​ത്രം ; മരടിലെ വയോജനങ്ങള്‍ക്കിത്​ സ്വപ്‌ന സാഫല്യം

മ​ര​ട്: ജീ​വി​ത​ത്തി​ല്‍ ഇ​തു​വ​രെ ന​ട​ക്കാ​തി​രു​ന്ന​തും സ്വ​പ്‌​നം മാ​ത്ര​വു​മാ​യി​രു​ന്ന വി​മാ​ന യാ​ത്ര ചെ​യ്ത​തി​ന്‍റെ സ​ന്തോ​ഷ​ത്തി​ലാ​ണ് മ​ര​ട് ന​ഗ​ര​സ​ഭ​യി​ലെ 27-ാം ഡി​വി​ഷ​നി​ലെ ദ​ര്‍ശ​ന വ​യോ​മി​ത്രം അം​ഗ​ങ്ങ​ള്‍. ആ​ദ്യ​മാ​യി വി​മാ​ന​ത്തി​ല്‍ ക​യ​റു​ന്ന മു​പ്പ​ത് വ​യോ​ജ​ന​ങ്ങ​ളും കൂ​ടാ​തെ എ​ൺ​പ​ത് വ​യ​സ്സി​ന് മു​ക​ളി​ലു​ള്ള മൂ​ന്ന് പേ​രും ഈ ​സം​ഘ​ത്തി​ലു​ണ്ടാ​യി​രു​ന്നു.

27ാം ഡി​വി​ഷ​നി​ലെ ദ​ര്‍ശ​ന വ​യോ​മി​ത്രം അം​ഗ​ങ്ങ​ള്‍ക്കാ​യി ഡി​വി​ഷ​ന്‍ കൗ​ണ്‍സി​ല​ർ സീ​മ ച​ന്ദ്ര​നാ​ണ്​ യാ​ത്ര സം​ഘ​ടി​പ്പി​ച്ച​ത്. കൗ​ണ്‍സി​ല​റു​ടെ നേ​തൃ​ത്വ​ത്തി​ല്‍ ഡി​വി​ഷ​നി​ലെ വ​യോ​ജ​ന ക്ല​ബ്ബാ​യ ദ​ര്‍ശ​ന​യി​ല്‍നി​ന്നു​ള്ള 32 വ​യോ​ജ​ന​ങ്ങ​ള്‍ ഉ​ള്‍പ്പെ​ടെ 40 പേ​രാ​ണ് കൊ​ച്ചി​യി​ല്‍നി​ന്ന്​ ബം​ഗ​ളൂ​രു​വി​ലേ​ക്കു​ള്ള ആ​കാ​ശ യാ​ത്ര​യി​ല്‍ പ​ങ്കെ​ടു​ത്ത​ത്. ബു​ധ​നാ​ഴ്ച പു​ല​ര്‍ച്ച മൂ​ന്നോ​ടെ മ​ര​ട് ന​ഗ​ര​സ​ഭ സെ​ക്ര​ട്ട​റി നാ​സിം. ഇ ​നെ​ട്ടൂ​ര്‍ ധ​ന്യ ജ​ങ്​​ഷ​നി​ല്‍ യാ​ത്ര ഫ്ലാ​ഗ്​ ഓ​ഫ് ചെ​യ്തു. രാ​വി​ലെ 5.25ന് ​നെ​ടു​മ്പാ​ശ്ശേ​രി​യി​ല്‍നി​ന്നു​ള്ള ബാം​ഗ​ളൂ​രു​വി​ലേ​ക്ക്​ പു​റ​പ്പെ​ട്ട സം​ഘം വ്യാ​ഴാ​ഴ്ച നാ​ട്ടി​ല്‍ തി​രി​ച്ചെ​ത്തി. വ​യോ​മി​ത്രം കോ​ഓ​ഡി​നേ​റ്റ​ര്‍ ശ്രു​തി മെ​റി​ന്‍ ജോ​സ​ഫ്, ദ​ര്‍ശ​ന വ​യോ​മി​ത്രം പ്ര​സി​ഡ​ന്‍റ്​ ല​ത്തീ​ഫ്, ട്ര​ഷ​റ​ര്‍ അ​ശോ​ക​ന്‍, വൈ​സ്​ പ്ര​സി​ഡ​ന്‍റ്​ ഉ​മൈ​ബ, അം​ഗ​ൻ​വാ​ടി വ​ര്‍ക്ക​ര്‍മാ​രാ​യ സീ​ന​ത്ത്, ജ​ഷീ​ന, ആ​ശ വ​ര്‍ക്ക​ര്‍ സീ​ന​ത്ത്, സ​ഹാ​യ​ക ക​മ്മി​റ്റി അം​ഗ​ങ്ങ​ളാ​യ റോ​സി​ലി സാ​ബു, ശ്രു​തി ജ​യ​രാ​ജ് എ​ന്നി​വ​ര്‍ യാ​ത്ര​ക്ക് നേ​തൃ​ത്വം ന​ല്‍കി.