എം. ​സ്വ​രാ​ജ് എം.​എ​ല്‍.​എ ഇടപെട്ടു; കുണ്ടന്നൂര്‍ മേൽപാലത്തിലെ വഴിവിളക്കുകള്‍ മിഴിതുറന്നു

മ​ര​ട് (എറണാകുളം): കു​ണ്ട​ന്നൂ​ര്‍ മേ​ല്‍പാ​ല​ത്തി​ലെ വ​ഴി​വി​ള​ക്കു​ക​ള്‍ മി​ഴി​തു​റ​ന്നു. ഒ​രാ​ഴ്​​ച​യി​ല​ധി​ക​മാ​യി തെ​ളി​യാ​തി​രു​ന്ന വ​ഴി​വി​ള​ക്കു​ക​ളാ​ണ് തി​ങ്ക​ളാ​ഴ്​​ച മു​ത​ല്‍ തെ​ളി​ഞ്ഞ​ത്.

ഫ്ലൈ​ഓ​വ​ര്‍ നി​ര്‍മാ​ണ ക​മ്പ​നി​യും കെ.​എ​സ്.​ഇ.​ബി.​യു​മാ​യി ഉ​ണ്ടാ​യി​രു​ന്ന ക​രാ​റി​ല്‍ നാ​ലു​ല​ക്ഷം രൂ​പ​യോ​ളം കു​ടി​ശ്ശി​ക വ​രു​ത്തി​യ​തി​നെ​ത്തു​ട​ര്‍ന്ന് കെ.​എ​സ്.​ഇ.​ബി ക​ണ​ക്​​ഷ​ന്‍ വി​ച്ഛേ​ദി​ക്കു​ക​യാ​യി​രു​ന്നു. വ​ഴി​വി​ള​ക്കു​ക​ള്‍ തെ​ളി​യാ​ത്ത​തി​നെ​ത്തു​ട​ര്‍ന്ന് 'മാ​ധ്യ​മം' ഈ ​മാ​സം ആറിന് വാ​ര്‍ത്ത ന​ല്‍കി​യി​രു​ന്നു. ഇ​തി​െൻറ അ​ടി​സ്ഥാ​ന​ത്തി​ല്‍ എം. ​സ്വ​രാ​ജ് എം.​എ​ല്‍.​എ സം​ഭ​വ​ത്തി​ല്‍ ഇ​ട​പെ​ട്ട​തി​നെ​ത്തു​ട​ര്‍ന്ന് മ​ര​ട് ന​ഗ​ര​സ​ഭ അ​ധി​കൃ​ത​രു​ടെ നേ​തൃ​ത്വ​ത്തി​ല്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​ക​യാ​യി​രു​ന്നു.

നി​ല​വി​ല്‍ ക​മ്പ​നി​യു​മാ​യി ഉ​ണ്ടാ​യി​രു​ന്ന ക​രാ​ര്‍ അ​വ​സാ​നി​പ്പി​ച്ച് മ​ര​ട് ന​ഗ​ര​സ​ഭ​യും കെ.​എ​സ്.​ഇ.​ബി.​യു​മാ​യി ക​രാ​ര്‍ എ​ടു​ത്ത​തി​നെ​ത്തു​ട​ര്‍ന്നാ​ണ് വീ​ണ്ടും വ​ഴി​വി​ള​ക്കു​ക​ള്‍ തെ​ളി​യാ​ന്‍ വ​ഴി​യൊ​രു​ങ്ങി​യ​തെന്ന്​ നഗരസഭ ചെയർമാൻ ആൻറണി ആശാന പറമ്പിൽ പറഞ്ഞു.

മേ​ല്‍പാ​ലം ഉ​ദ്ഘാ​ട​നം ചെ​യ്തി​ട്ട് ഒ​രു​മാ​സം തി​ക​യു​ന്ന​തി​നു​മു​ന്നെ​യാ​ണ് വി​ള​ക്കു​ക​ള്‍ തെ​ളി​യാ​താ​യ​ത്. ഇ​തേ​തു​ട​ര്‍ന്ന് സാ​മൂ​ഹ്യ​മാ​ധ്യ​മ​ങ്ങ​ളി​ല്‍ പ്ര​തി​ഷേ​ധ​വും ന​ട​ന്നി​രു​ന്നു. പാ​ല​ത്തി​ല്‍ വെ​ളി​ച്ച​മി​ല്ലാ​ത്ത​തു​മൂ​ലം മ​ര​ട് ഭാ​ഗ​ത്തു​നി​ന്ന്​ പാ​ല​ത്തി​ലേ​ക്ക് ക​യ​റി​വ​രു​ന്ന വാ​ഹ​ന​ങ്ങ​ള്‍ കാ​ണാ​നാ​കാ​ത്ത​തു​മൂ​ലം അ​പ​ക​ട​സാ​ധ്യ​ത കൂ​ടു​ത​ലാ​യി​രു​ന്നു.