റോഡിൽ വള്ളമിറക്കി നാട്ടുകാരുടെ പ്രതിഷേധം

കാഞ്ഞിരമറ്റം: ചാലക്കപ്പാറ-തൊണ്ടിലങ്ങാടി റോഡിൽ നിരന്തരമായി ഉണ്ടാകുന്ന വെള്ളക്കെട്ടിനെ തുടർന്ന് വള്ളം ഇറക്കി നാട്ടുകാരുടെ പ്രതിഷേധം. ആമ്പല്ലൂർ പഞ്ചായത്തിലെ പ്രധാന റോഡായ തൊണ്ടിലങ്ങാടി റോഡ് കുണ്ടും കുഴിയും നിറഞ്ഞും വെള്ളക്കെട്ടായിട്ട്​ നാളുകളായി.

വെള്ളക്കെട്ട് പരിഹരിക്കണമെന്ന് വർഷങ്ങളായി ജനങ്ങളുടെ ആവശ്യമാണ്. റോഡി​െൻറ അറ്റകുറ്റപണി നടത്തിയിട്ട് അഞ്ചുവർഷം പിന്നിട്ടു. വാഹനങ്ങൾ അപകടത്തിൽപെടുന്നത്​ പതിവാണ്​.

സമരം കർഷക കോൺഗ്രസ് ജില്ല പ്രസിഡൻറ്​ കെ.ജെ. ജോസഫ് ഉദ്​ഘാടനം ചെയ്തു. കീച്ചേരി ഹോളി ഫാമിലി ചർച്ച് വികാരി ഫാ. അനിൽ കിളിയേൽക്കുടി, കീച്ചേരി സഹകരണ ബാങ്ക് പ്രസിഡൻറ്​ ആർ. ഹരി, ബ്ലോക്ക് പഞ്ചായത്ത്​ അംഗം ബിജു തോമസ്, സി.ആർ. ദിലീപ് കുമാർ, കെ.എസ്. ചന്ദ്രമോഹനൻ, സാബു മലയിൽ, ബിനു പുത്തേത്ത്മ്യാലിൽ, എൻ.ഒ. തോമസ്, ബാബു മാമ്പുഴ, ലീല ഗോപാലൻ എന്നിവർ നേതൃത്വം നൽകി.