Begin typing your search above and press return to search.
exit_to_app
exit_to_app
roji m john
cancel
Homechevron_rightNewschevron_rightLocal Newschevron_rightErnakulamchevron_rightAnkamalychevron_rightബാംബു കോര്‍പറേഷനിലെ...

ബാംബു കോര്‍പറേഷനിലെ അഴിമതി: എം.​എ​ല്‍.​എ​യു​ടെ പ്ര​സ്താ​വ​ന രാഷ്​ട്രീയ പ്രേരിതമെന്ന് മാനേജ്മെൻറ്

text_fields
bookmark_border

അ​ങ്ക​മാ​ലി (എറണാകുളം): ബാം​ബു കോ​ര്‍പ​റേ​ഷ​നി​ല്‍ അ​ഴി​മ​തി​യും കെ​ടു​കാ​ര്യ​സ്ഥ​ത​യും ആ​രോ​പി​ച്ച റോ​ജി എം.​ ജോ​ണ്‍ എം.​എ​ല്‍.​എ.​യു​ടെ പ്ര​സ്താ​വ​ന അ​ടി​സ്ഥാ​ന​ര​ഹി​ത​വും രാ​ഷ്​​ട്രീ​യ പ്രേ​രി​ത​വു​മാ​ണെ​ന്ന് കോ​ര്‍പ​റേ​ഷ​ന്‍ ചെ​യ​ര്‍മാ​ന്‍ കെ.​ജെ. ജേ​ക്ക​ബ് വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു. കോ​ർ​പ​റേ​ഷ​നി​ല്‍ 20പേ​രെ പി​ന്‍വാ​തി​ല്‍ നി​യ​മ​നം ന​ട​ത്തു​ന്ന​തെ​ന്നാ​ണ് എം.​എ​ല്‍.​എ​യു​ടെ ആ​രോ​പ​ണം. എ​ന്നാ​ല്‍, പി.​എ​സ്.​സി വ​ഴി 47 പേ​രെ​യാ​ണ് എ​ടു​ക്കു​ന്ന​ത്. മാ​നേ​ജീ​രി​യി​ല്‍ ത​സ്തി​ക​യി​ലും വേ​റെ​യും ആ​ളു​ക​ളെ എ​ടു​ക്കു​ന്നു​ണ്ട്. ര​ണ്ട് പ​ത്ര​ങ്ങ​ളി​ല്‍ പ​ര​സ്യ​വും ന​ല്‍കി.

6000ത്തോ​ളം പേ​രാ​ണ് തൊ​ഴി​ലി​നാ​യി അ​പേ​ക്ഷി​ച്ച​ത്. പ​രീ​ക്ഷ ന​ട​ത്തു​ന്ന​തി​ന് സ​ര്‍ക്കാ​ര്‍ ഏ​ജ​ന്‍സി​യെ​യാ​ണ് ചു​മ​ത​ല​പ്പെ​ടു​ത്തി​യ​ത്. പ​രീ​ക്ഷ​ക്ക് ശേ​ഷം ഹൈ​കോ​ട​തി​യു​ടെ അ​നു​മ​തി​യോ​ടെ മാ​ത്ര​മേ നി​യ​മ​നം ന​ട​ത്തു​ക​യു​ള്ളൂ​വെ​ന്നും ചെ​യ​ര്‍മാ​ന്‍ വ്യ​ക്ത​മാ​ക്കി. അ​തേ​സ​മ​യം കോ​ണ്‍ഗ്ര​സ് നേ​താ​വാ​യ മു​ന്‍ ചെ​യ​ര്‍മാ​ന്‍ 2015ല്‍ ​സ​ര്‍ക്കാ​ര്‍ മാ​ന​ദ​ണ്ഡ​ങ്ങ​ള്‍ ലം​ഘി​ച്ചാ​ണ് 20പേ​രെ നി​യ​മി​ച്ച​ത്. അ​തി​നാ​ല്‍ ഇ​ന്നും അ​വ​രെ സ്ഥി​ര​പ്പെ​ടു​ത്താ​ന്‍ സാ​ധി​ക്കാ​ത്ത അ​വ​സ്ഥ​യാ​ണു​ള്ള​ത്. ല​ക്ഷ്യ​ബോ​ധ​മി​ല്ലാ​തെ കെ​ടു​കാ​ര്യ​സ്ഥ​ത​യോ​ടെ പ്ര​വ​ര്‍ത്തി​ച്ച​തി​നാ​ല്‍ ഉ​ൽ​പാ​ദ​ന ചെ​ല​വ് അ​ധി​ക​മാ​വു​ക​യും ബാം​ബു ടൈ​ല്‍ അ​ന്ന് വി​ല്‍ക്കാ​ന്‍ സാ​ധി​ക്കാ​തെ വ​രു​ക​യും ചെ​യ്തു.

അ​ങ്ക​മാ​ലി റെ​യി​ല്‍വെ സ്​​റ്റേ​ഷ​ന​ടു​ത്തെ 20 കോ​ടി​യോ​ളം വി​ല​മ​തി​ക്കു​ന്ന കോ​ര്‍പ​റേ​ഷ​െൻറ ക​ണ്ണാ​യ സ്ഥ​ലം ജോ​യി ഇ​ഷ്​​ട​ക്കാ​ര​ന് ചു​ളു​വി​ല​ക്ക് വാ​ട​ക​ക്ക് ന​ല്‍കി​യ​തി​നാ​ല്‍ സ്ഥ​ലം വീ​ണ്ടെ​ടു​ക്കാ​ന്‍ കോ​ര്‍പ​റേ​ഷ​ന്‍ ഇ​പ്പോ​ഴും കോ​ട​തി​ക​യ​റി ഇ​റ​ങ്ങു​ക​യാ​ണെ​ന്നും ചെ​യ​ര്‍മാ​ന്‍ കു​റ്റ​പ്പെ​ടു​ത്തി. മാ​റി വ​രു​ന്ന സ​ര്‍ക്കാ​ര്‍ സ​ഹാ​യ​ങ്ങ​ള്‍ ല​ഭ്യ​മാ​ക്കി​യും ലാ​ഭ​ക​ര​വും നൂ​ത​ന​വു​മാ​യ പ​ദ്ധ​തി​ക​ള്‍ ആ​വി​ഷ്ക​രി​ച്ചും കോ​ര്‍പ​റേ​ഷ​നെ പ്ര​തി​സ​ന്ധി​യി​ല്‍നി​ന്ന് ക​ര​ക​യ​റ്റാ​ന്‍ ശ്ര​മി​ക്കു​ക​യാ​ണെ​ന്ന്​ മാ​നേ​ജി​ങ് ഡ​യ​റ​ക്ട​ര്‍ എ.​എം. അ​ബ്​​ദു​ല്‍ റ​ഷീ​ദും പ​റ​ഞ്ഞു.

ബാം​ബു ഫൈ​ബ​ര്‍ ഉ​പ​യോ​ഗി​ച്ച് പ്ലൈ​വു​ഡും ബാം​ബു ലം​പ​റും ഉ​ണ്ടാ​ക്കു​ന്ന​തി​നു​ള്ള പ​ദ്ധ​തി​യു​ടെ പ്ര​വ​ര്‍ത്ത​നം കേ​ന്ദ്ര സ​ര്‍ക്കാ​ര്‍ സ്ഥാ​പ​ന​മാ​യ ഐ.​ഡ​ബ്ല്യു.​എ​സ്.​ടി​യു​ടെ സ​ഹാ​യ​ത്തോ​ടെ മു​ന്നോ​ട്ടു​പോ​വു​ക​യാ​ണ്. ഡ​യ​റ​ക്ട​ര്‍ ബോ​ര്‍ഡ് മെം​ബ​ര്‍ ടി.​പി. ദേ​വ​സി​ക്കു​ട്ടി​യും വാ​ര്‍ത്ത​സ​മ്മേ​ള​ന​ത്തി​ല്‍ പ​ങ്കെ​ടു​ത്തു.

Show Full Article
TAGS:Bamboo Corporation roji m john 
News Summary - Corruption in Bamboo Corporation: Management says MLA's statement politically motivated
Next Story