ഓപറേഷൻ ഡാർക്ക്​ ഹണ്ട്​: കാപ്പ ചുമത്തി ജയിലിലടച്ചു

ആലുവ: പത്തോളം കേസുകളിലെ പ്രതിയെ കാപ്പ ചുമത്തി ജയിലിലടച്ചു. നോർത്ത് പറവൂർ കോട്ടുവള്ളി കിഴക്കേപ്രം കരയിൽ വയലുംപാടം വീട്ടിൽ അനൂപിനെയാണ്

(പൊക്കൻ അനൂപ് -31) കാപ്പ പ്രകാരം അറസ്‌റ്റ് ചെയ്തത്. ഇയാൾക്കെതിരെ ആലുവ വെസ്‌റ്റ്, കാലടി, നെടുമ്പാശ്ശേരി, നോർത്ത് പറവൂർ സ്​റ്റേഷനുകളിൽ കേസുകളുണ്ട്. റൂറൽ ജില്ല പൊലീസ് മേധാവി കെ. കാർത്തിക്കി​െൻറ റിപ്പോർട്ടി​െൻറ അടിസ്ഥാനത്തിലാണ് നടപടി.

വധശ്രമം, കവർച്ച, ദേഹോപദ്രവം, ആയുധം കൈവശം വെക്കൽ, സ്ഫോടക വസ്തു ഉപയോഗിക്കൽ തുടങ്ങിയ കേസുകളിൽ പ്രതിയാണ്. ഓപറേഷൻ ഡാർക്ക് ഹണ്ടി​െൻറ ഭാഗമായി ഗുണ്ടകൾക്കെതിരെ റൂറൽ ജില്ലയിൽ കർശന നടപടി തുടരുകയാണ്. ഇതുവരെ 18 പേരെ കാപ്പ ചുമത്തി ജയിലിൽ അടച്ചു. 23 പേരെ നാടുകടത്തിയതായും എസ്.പി അറിയിച്ചു.