എം.ഡി.എം.എ പിടികൂടിയ സംഭവം: അന്വേഷണം ഗോവയിലേക്കും

ആ​ലു​വ: എം.​ഡി.​എം.​എ മ​യ​ക്കു​മ​രു​ന്ന് പി​ടി​കൂ​ടി​യ സം​ഭ​വ​ത്തി​ൽ എ​ക്സൈ​സ് അ​ന്വേ​ഷ​ണം ഗോ​വ​യി​ലേ​ക്കും വ്യാ​പി​പ്പി​ക്കു​ന്നു. സം​സ്ഥാ​ന​ത്തെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ വി​ൽ​പ​ന ന​ട​ത്താ​നാ​ണ് കേ​ര​ള​ത്തി​ന് പു​റ​ത്തു​നി​ന്ന്​ മ​യ​ക്കു​മ​രു​ന്ന്​ കൊ​ണ്ടു​വ​ന്ന​ത്. ഉ​റ​വി​ടം ക​ണ്ടെ​ത്താ​നാ​ണ്​ അ​ന്വേ​ഷ​ണം.

മാ​ര​ക മ​യ​ക്കു​മ​രു​ന്ന് ഇ​ന​ത്തി​ൽ​പെ​ട്ട എം.​ഡി.​എം.​എ​യു​മാ​യി കോ​ട്ട​യം മു​ണ്ട​ക്ക​യം കൊ​ല്ലം​പ​റ​മ്പി​ൽ പ്ര​ണ​വ് പൈ​ലി (23), ഭാ​ര്യ പാ​ല​ക്കാ​ട് ക​ഞ്ചി​ക്കോ​ട് ഐ.​ടി.​ഐ ഹി​ൽ​വ്യൂ ന​ഗ​റി​ൽ ക​സ്തൂ​രി മ​ണി (27), ഇ​ടു​ക്കി നെ​ടു​ങ്ക​ണ്ടം ആ​ശാ​രി​ക്ക​ണ്ടം കൊ​ച്ചു​ക​രോ​ട്ട് വീ​ട്ടി​ൽ മാ​ർ​വി​ൻ ജോ​സ​ഫ് (23) എ​ന്നി​വ​രാ​ണ് പി​ടി​യി​ലാ​യ​ത്. ഗോ​വ, ബം​ഗ​ളൂ​രു എ​ന്നി​വി​ട​ങ്ങ​ളി​ൽ​നി​ന്നാ​ണ് ല​ഹ​രി​മ​രു​ന്ന് എ​ത്തി​ച്ചി​രു​ന്ന​ത്. ഗോ​വ​യി​ൽ​നി​ന്നു​ള്ള ഒ​റ്റു​കാ​രാ​ണ് സം​ഘ​ത്തെ കു​ടു​ക്കി​യ​തെ​ന്ന്​ അ​റി​യു​ന്നു.

അ​തി​നി​ടെ, പ്ര​തി​ക​ളു​ടെ താ​മ​സ സ്ഥ​ല​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ ല​ഹ​രി വ​സ്തു​ക്ക​ൾ ക​ണ്ടെ​ടു​ത്തു. പ്ര​ണ​വ് പൈ​ലി താ​മ​സി​ച്ചി​രു​ന്ന ഫാം ​ഹൗ​സി​ൽ​നി​ന്ന്​ ക​ഞ്ചാ​വ് ചെ​ടി​ക​ളും മ​യ​ക്കു​മ​രു​ന്നും ര​ണ്ടാം പ്ര​തി​യും സ​ർ​ക്കാ​ർ ഉ​ദ്യോ​ഗ​സ്ഥ​നു​മാ​യ മാ​ർ​വി​ൻ ജോ​സ​ഫ് താ​മ​സി​ച്ചി​രു​ന്ന തൃ​ശൂ​ർ പാ​ല​സ് റോ​ഡി​ലെ പു​ലി​ക്കോ​ട്ടി​ൽ ലോ​ഡ്ജി​ൽ​നി​ന്ന്​ ക​ഞ്ചാ​വും പാ​ക്കി​ങ്​ സാ​മ​ഗ്രി​ക​ളു​മാ​ണ്​ ക​ണ്ടെ​ടു​ത്ത​ത്. പ്ര​തി​ക​ളു​മാ​യി ബ​ന്ധ​പ്പെ​ട്ട​വ​രു​ടെ ഫോ​ൺ​വി​വ​ര​ങ്ങ​ളും അ​ന്വേ​ഷി​ക്കു​ന്നു​ണ്ട്.