കരിങ്കൽ ക്വാറിയിൽ സ്​ഫോടനം: വീട് തകർന്നു

വെള്ളരിക്കുണ്ട്: കരിങ്കൽ ക്വാറിയിലുണ്ടായ സ്ഫോടനത്തിൽ വീട് തകർന്നതായി പരാതി. വെസ്​റ്റ്​ എളേരി പഞ്ചായത്തിലെ പുങ്ങംചാൽ പാറടംകയത്തെ ടി.വി. തമ്പാ​െൻറ വീടാണ്​ തകർന്നത്​.

ഇതുസംബന്ധിച്ചു വെള്ളരിക്കുണ്ട് പൊലീസിൽ പരാതി നൽകി. ശനിയാഴ്ച രാവിലെ പത്തരയോടെ വെസ്​റ്റ്​ എളേരി വില്ലേജിൽ ചീർക്കയത്ത്‌ പ്രവർത്തിക്കുന്ന എൻ.ജെ.ടി ഗ്രാനൈറ്റ് എന്ന സ്വകാര്യ കമ്പനിയുടെ പാറമടയിലാണ് അത്യുഗ്ര സ്ഫോടനം നടന്നത്. പതിവിലും വിവരീതമായുണ്ടായ സ്ഫോടനത്തിൽ വീടി​െൻറ കുളിമുറിയും കക്കൂസും വിറക്പുരയും പൂർണമായി തകർന്നു. സ്ഫോടന ആഘാതത്തിൽ വീടി​െൻറ പല ഭാഗങ്ങളിലും വിള്ളലുണ്ടായി. തലനാരിഴക്കാണ് താനടക്കമുള്ള കുടുംബാംഗങ്ങൾ രക്ഷപ്പെട്ടതെന്ന് വെള്ളരിക്കുണ്ടിലെ സി.ഐ.ടി.യു ഓട്ടോറിക്ഷ തൊഴിലാളി നേതാവുകൂടിയായ തമ്പാൻ പൊലീസിൽ നൽകിയ പരാതിയിൽ പറയുന്നു. വെള്ളരിക്കുണ്ട് പൊലീസ് സ്​ഥലത്തെത്തി.

സ്​ഫോടനം നിർത്തിവെക്കാൻ ക്വാറി മാനേജ്മെൻറിനോട് പൊലീസും റവന്യൂ അധികൃതരും നിർദേശം നൽകിയെങ്കിലും നിർത്തിവെക്കാൻ ക്രഷർ മാനേജ്മെൻറ് തയാറായില്ലെന്ന് നാട്ടുകാർ പരാതിപ്പെട്ടു.