ഉള്ളാൾ മുൻ എം.എൽ.എയുടെ മക​െൻറ വീട്ടിൽ എൻ.ഐ.എ പരിശോധന

മംഗളൂരു: ഉള്ളാൾ മുൻ എം.എൽ.എ ബി.എം. ഇദിനാബ്ബയുടെ മകൻ ബി.എം. ബാഷയുടെ വീട്ടിൽ ദേശീയ അന്വേഷണ ഏജൻസി (എൻ.ഐ.എ) ഉദ്യോഗസ്ഥർ പരിശോധന നടത്തി. ബംഗളൂരുവിൽനിന്നുള്ള സംഘം ബുധനാഴ്ച പുലർച്ചയാണ്​ പരിശോധന നടത്തിയത്​. റിയൽ എസ്​റ്റേറ്റ് ബിസിനസുകാരനായ ബി.എം. ബാഷ കുടുംബത്തോടൊപ്പം താമസിക്കുന്ന ഉള്ളാളിലെ മസ്തികട്ടെയിലെ വീട്ടിലാണ് പരിശോധന.

ഭീകരസംഘടനയായ ഐ.എസ്.ഐ.എസ് ബന്ധമുണ്ടെന്ന സംശയത്തി​െൻറ അടിസ്ഥാനത്തിലാണ് പരിശോധന നടത്തിയത്. 25 ഉദ്യോഗസ്ഥർ അടങ്ങുന്ന സംഘത്തിന് എൻ.ഐ.എ ഡയറക്ടറും ഇൻസ്പെക്ടർ ജനറൽ ഓഫ് പൊലീസ് ഗ്രേഡ് ഓഫിസറുമായ ഉമ നേതൃത്വം നൽകി.