പാലക്കുന്ന് ഉത്സവം: 'ഭ​ര​ണി​കു​ഞ്ഞി'​യാ​വാ​ൻ വൈ​ഗ​ക്ക് ര​ണ്ടാ​മൂ​ഴം

ഉ​ദു​മ: പാ​ല​ക്കു​ന്ന് ക​ഴ​കം ഭ​ഗ​വ​തി ക്ഷേ​ത്രോ​ത്സ​വ​ത്തി​ന്റെ 'ഭ​ര​ണി കു​റി​ക്ക​ൽ' ച​ട​ങ്ങ് വെ​ള്ളി​യാ​ഴ്ച ന​ട​ക്കും. എ​രോ​ൽ പ​ന​യം​തോ​ട്ട​ത്തി​ലെ പ്ര​വാ​സി കെ. ​വി​ശാ​ലാ​ക്ഷ​ന്റെ​യും കെ. ​ബീ​ന​യു​ടെ​യും മ​ക​ൾ വി.​ബി. വൈ​ഗ​യെ ഭ​ര​ണി​കു​ഞ്ഞാ​യി വാ​ഴി​ക്കും. ദേ​വി​യു​ടെ ജ​ന്മ​ന​ക്ഷ​ത്ര​മാ​യ ഭ​ര​ണി​നാ​ളി​ൽ ജ​നി​ച്ച പാ​ല​ക്കു​ന്ന് ക​ഴ​ക പ​രി​ധി​യി​ൽ​പെ​ടു​ന്ന പ​ത്തു വ​യ​സ്സി​നു താ​ഴെ​യു​ള്ള പെ​ൺ​കു​ട്ടി​ക്കാ​യി​രി​ക്കും ഈ ​നി​യോ​ഗം. ഭ​ണ്ഡാ​ര​വീ​ട്ടി​ലെ പ​ടി​ഞ്ഞാ​റ്റ​യി​ലി​രു​ത്തി ദേ​വി​യു​ടെ ന​ക്ഷ​ത്ര പ്ര​തീ​ക​മാ​യി സ​ങ്ക​ൽ​പി​ച്ച് ശി​ര​സ്സി​ൽ അ​രി​യും പ്ര​സാ​ദ​വു​മി​ട്ട് വാ​ഴി​ക്കു​ന്ന​താ​ണ് ച​ട​ങ്ങ്.

വൈ​ഗ​ക്ക് ഭ​ര​ണി​കു​ഞ്ഞി​യാ​കാ​ൻ ഇ​ത് ര​ണ്ടാ​മൂ​ഴ​മാ​ണ്. ത​റ​യി​ല​ച്ച​നും അ​നു​യാ​യി​ക​ളും ബാ​ലി​ക​യു​ടെ വീ​ട്ടി​ലെ​ത്തി അ​ന്നേ​ദി​വ​സം രാ​വി​ലെ ഭ​ണ്ഡാ​ര വീ​ട്ടി​ലേ​ക്ക് കൂ​ട്ടി​ക്കൊ​ണ്ടു​വ​രും. ഒ​പ്പം കു​ഞ്ഞി​യു​ടെ ബ​ന്ധു​ക്ക​ളും ഉ​ണ്ടാ​യി​രി​ക്കും. സ്ഥാ​നി​ക​രു​ടെ​യും ക്ഷേ​ത്ര ഭാ​ര​വാ​ഹി​ക​ളു​ടെ​യും വി​ശ്വാ​സി​ക​ളു​ടെ​യും സാ​ന്നി​ധ്യ​ത്തി​ൽ ഉ​ച്ച​യോ​ടെ അ​രി​യി​ട്ട് വാ​ഴി​ക്ക​ൽ ച​ട​ങ്ങ് പൂ​ർ​ത്തി​യാ​കും. ഉ​ത്സ​വാ​രം​ഭം മു​ത​ൽ കൊ​ടി​യി​റ​ങ്ങും​വ​രെ​യു​ള്ള എ​ഴു​ന്ന​ള്ള​ത്തി​ലും അ​നു​ബ​ന്ധ ച​ട​ങ്ങു​ക​ളി​ലും ആ​ചാ​ര​സ്ഥാ​നി​ക​രോ​ടൊ​പ്പം ഭ​ര​ണി​കു​ഞ്ഞി ഉ​ണ്ടാ​യി​രി​ക്കും. ക​രി​പ്പോ​ടി എ.​എ​ൽ.​പി സ്കൂ​ളി​ൽ ര​ണ്ടാം​ത​രം വി​ദ്യാ​ർ​ഥി​യാ​ണ്‌ വൈ​ഗ.

കു​റും​ബ​ദേ​വി ക്ഷേ​ത്ര​ങ്ങ​ളി​ൽ മീ​ന​മാ​സ​ത്തി​ലാ​ണ് പ​തി​വാ​യി ഭ​ര​ണി ഉ​ത്സ​വ​ങ്ങ​ൾ ന​ട​ക്കു​ക. പാ​ല​ക്കു​ന്നി​ൽ കും​ഭ​ത്തി​ലാ​ണ് ഭ​ര​ണി​യു​ത്സ​വം. തൃ​ക്ക​ണ്ണാ​ട് ക്ഷേ​ത്ര​ത്തി​ൽ കും​ഭ​ത്തി​ലെ അ​ഷ്ട​മി​ക്ക് മു​മ്പു​ള്ള കൃ​ഷ്ണ​പ​ഞ്ച​മി​ക്ക് ആ​റാ​ട്ടു​ത്സ​വ​ത്തി​ന് കൊ​ടി​യേ​റു​ന്ന​തി​ന്റെ തു​ട​ർ​ച്ച​യാ​യി​ട്ടാ​ണ് പാ​ല​ക്കു​ന്നി​ലെ ഉ​ത്സ​വ​ത്തി​ന്റെ തു​ട​ക്കം. അ​തി​നാ​ലാ​ണ് ഇ​വി​ടെ ഉ​ത്സ​വം കും​ഭ​ത്തി​ൽ ന​ട​ക്കു​ന്ന​ത്. തൃ​ക്ക​ണ്ണാ​ട് കൊ​ടി​യി​റ​ങ്ങി​യ​ശേ​ഷം പ്ര​തീ​കാ​ത്മ​ക​മാ​യി ആ ​ക​മ്പ​യും ക​യ​റും ഏ​റ്റു​വാ​ങ്ങി​യാ​ണ്‌ പാ​ല​ക്കു​ന്നി​ൽ തി​ങ്ക​ളാ​ഴ്ച കൊ​ടി​യേ​റു​ന്ന​ത്. മാ​ർ​ച്ച്‌ മൂ​ന്നി​നാ​ണ് ആ​യി​ര​ത്തി​രി ഉ​ത്സ​വം. നാ​ലി​ന് രാ​വി​ലെ കൊ​ടി​യി​റ​ങ്ങും.