പ്ലാറ്റ്‌ഫോമിൽ കാടുകയറി; യാത്രക്കാർ വള്ളിപ്പടർപ്പുകളിൽ കുരുങ്ങും

തൃ​ക്ക​രി​പ്പൂ​ർ: ഇ​രു​ട്ടു​വീ​ണാ​ൽ തൃ​ക്ക​രി​പ്പൂ​ർ റെ​യി​ൽ​വേ സ്റ്റേ​ഷ​നി​ൽ എ​ത്തു​ന്ന​വ​ർ ശ്ര​ദ്ധി​ക്കു​ക. കാ​ടു​ക​യ​റി​യ പ്ലാറ്റ്‌ഫോമിൽ ഇ​ഴ​ജ​ന്തു​ക്ക​ളു​ണ്ടാ​കും. ഇ​വി​ടെ പു​തു​താ​യി നി​ർ​മി​ച്ച പ്ലാറ്റ്‌ഫോമി​​ന്റെ ത​റ ടൈ​ൽ​സ് പാ​കാ​ത്ത​താ​ണ് ദു​രി​ത​ത്തി​ന് കാ​ര​ണം.

24 ബോ​ഗി​ക​ൾ നി​ർ​ത്തു​ന്ന​തി​നാ​യി പ്ലാറ്റ്‌ഫോം നി​ർ​മി​ച്ചെ​ങ്കി​ലും 16 ബോ​ഗി ക​ഴി​ഞ്ഞു​ള്ള ഇ​ട​ങ്ങ​ളി​ൽ ക​ല്ല് പാ​കി​യി​ട്ടി​ല്ല. ഇ​തേ​തു​ട​ർ​ന്ന് അ​ക​ത്തേ​ക്ക് കു​റ്റി​ക്കാ​ട് വ​ള​ർ​ന്നി​രി​ക്കു​ന്നു. ട്രെ​യി​നി​ലേ​ക്ക് ക​യ​റാ​ൻ പോ​കു​ന്ന​വ​ർ​ക്ക് വ​ള്ളി​പ്പ​ട​ർ​പ്പു​ക​ളും കു​രു​ക്കി​ടു​ന്നു.

ഇ​വി​ടെ ഇ​റ​ങ്ങു​ന്ന​വ​ർ വെ​ളി​ച്ച​മി​ല്ലാ​തെ വ​ല​യു​ക​യാ​ണ്. കോ​ച്ചു​ക​ളു​ടെ സ്ഥാ​നം സം​ബ​ന്ധി​ച്ച കൃ​ത്യ​മാ​യ വി​വ​രം റെ​യി​ൽ​വേ​യു​ടെ വെ​ബ്സൈ​റ്റി​ൽ ല​ഭി​ക്കാ​ത്ത​തും യാ​ത്ര​ക്കാ​ർ​ക്ക് ദു​രി​തം സ​മ്മാ​നി​ക്കു​ന്നു. സീ​റ്റ് ക​ണ്ടു​പി​ടി​ക്കാ​ൻ ല​ഗേ​ജു​ക​ൾ സ​ഹി​തം ആ​റോ ഏ​ഴോ ബോ​ഗി​ക​ൾ താ​ണ്ടേ​ണ്ടി​വ​രു​ന്ന സാ​ഹ​ച​ര്യ​വു​മു​ണ്ട്.

ര​ണ്ട് പ്ലാ​റ്റ്‌​ഫോ​മു​ക​ളി​ലും മേ​ൽ​ക്കൂ​ര നി​ർ​മി​ച്ചി​ട്ടി​ല്ല. പ​ക​രം ഇ​ട​വി​ട്ട് ഷെ​ൽ​ട്ട​റു​ക​ളാ​ണു​ള്ള​ത്. മ​ഴ​ക്കാ​ല​ത്ത് ദു​രി​തം ഇ​ര​ട്ടി​ക്കും. ഒ​ന്നോ ര​ണ്ടോ പേ​ർ​ക്ക് മാ​ത്ര​മാ​ണ് ഇ​വി​ടെ നി​ൽ​ക്കാ​ൻ സാ​ധി​ക്കു​ക. ല​ഗേ​ജു​ക​ളും കൂ​ടി​യാ​വു​മ്പോ​ൾ സ്ഥ​ലം മ​തി​യാ​വി​ല്ല.