Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightThrikaripurchevron_rightകാസർകോട്​ ജില്ലക്ക്...

കാസർകോട്​ ജില്ലക്ക് അഭിമാനമായി ഹാരിസി​െൻറ നിയമനം

text_fields
bookmark_border
കാസർകോട്​ ജില്ലക്ക് അഭിമാനമായി ഹാരിസി​െൻറ നിയമനം
cancel
camera_alt

ടി.പി. ഹാരിസ്

തൃക്കരിപ്പൂർ: പൊതു വിദ്യാഭ്യാസ വകുപ്പിൽ അറബിക് സ്പെഷൽ ഓഫിസറായി തൃക്കരിപ്പൂർ തങ്കയം സ്വദേശി ടി.പി. ഹാരിസ് ബുധനാഴ്ച ചുമതലയേൽക്കും.

കേരളത്തിലെ 12,000 വിദ്യാലയങ്ങളിൽ അറബിക് പഠനവുമായി ബന്ധപ്പെട്ട ഏറ്റവും ഉയർന്ന തസ്തികയാണിത്.

കേരളത്തിലെ മുഴുവൻ ജില്ലകളിലെയും അറബിഭാഷ പഠനം ഏകോപിപ്പിക്കാൻ ഇദ്ദേഹത്തി​െൻറ കീഴിൽ ആറ്​ മുസ്‌ലിം വിദ്യാഭ്യാസ ഓഫിസർമാരും മൂന്ന്​ വനിത ഓഫിസർമാരുമുണ്ട്.

നാട്ടിലെ വിദ്യാഭ്യാസ സാംസ്കാരിക രംഗങ്ങളിൽ സജീവ പ്രവർത്തകനാണ്. ഫാറൂഖ് കോളജിലെ റൗദതുൽ ഉലൂം അറബിക് കോളജിൽ നിന്ന് അറബിക്​ സാഹിത്യത്തിൽ ബിരുദവും ഗവ. ടി.ടി.ഐയിൽ നിന്ന് അധ്യാപക പരിശീലനവും നേടി.

പൊതുവിദ്യാഭ്യാസ വകുപ്പി​െൻറ ഡി.ജി.ഇ ഓഫിസിൽ എട്ടാം റാങ്ക് പദവിയാണ് സ്‌പെഷൽ ഓഫിസർക്ക്. ജില്ലയിൽ മുമ്പ് റഹീം ചെമ്മനാടാണ് നേരത്തേ ഈ പദവിയിൽ ഉണ്ടായിരുന്നത്. 1998ൽ ഹൈസ്‌കൂൾ അധ്യാപകനായി സർവിസ് തുടക്കം. കുമ്പള പള്ളിക്കര, ചെറുവത്തൂർ ഹയർസെക്കൻഡറി സ്‌കൂളുകളിൽ ജോലിചെയ്തു.

2018ൽ കണ്ണൂർ - കാസർകോട് ജില്ലകളിലെ ഇൻസ്പെക്ടർ ഓഫ് മുസ്‌ലിം എജുക്കേഷനായി സ്​ഥാനക്കയറ്റം നേടി. അറബിക് ടീച്ചേഴ്സ് ഫെഡറേഷൻ ജില്ല പ്രസിഡൻറ്​, സംസ്ഥാന സെക്രട്ടറി എന്നീ നിലകളിൽ പ്രവർത്തിച്ചു. ലൈവ് തൃക്കരിപ്പൂർ കോർ ടീം അംഗമാണ്. ഭാര്യ: സജീന (തങ്കയം). മക്കൾ: ഹലീമതു സഅദിയ, മുഹമ്മദ് സിനാൻ, അഹമദ് ജസീൽ.


Latest Video:

:
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:thrikkarippurTP Haris
Next Story