തൃക്കരിപ്പൂരിന് ചുവന്നാണ് ശീലം

തൃ​ക്ക​രി​പ്പൂ​ര്‍: മ​ണ്ഡ​ല രൂ​പ​വ​ൽ​ക്ക​ര​ണം മു​ത​ൽ ചു​വ​പ്പി​നൊ​പ്പം അ​ടി​യു​റ​ച്ചു​നി​ന്ന പാ​ര​മ്പ​ര്യ​മാ​ണ് തൃ​ക്ക​രി​പ്പൂ​രി​ന്. നേ​ര​ത്തെ നീ​ലേ​ശ്വ​രം ദ്വ​യാം​ഗ മ​ണ്ഡ​ല​ത്തി​ന്റെ ഭാ​ഗ​മാ​യി​രു​ന്ന മ​ണ്ഡ​ലം 1977ല്‍ ​വേ​ർ​പെ​ടു​ത്തു​ക​യാ​യി​രു​ന്നു. തൃ​ക്ക​രി​പ്പൂ​ര്‍, പ​ട​ന്ന, വ​ലി​യ​പ​റ​മ്പ്, പി​ലി​ക്കോ​ട്, ചെ​റു​വ​ത്തൂ​ര്‍, വെ​സ്റ്റ് എ​ളേ​രി, ഈ​സ്റ്റ് എ​ളേ​രി, ക​യ്യൂ​ര്‍ ചീ​മേ​നി ഗ്രാ​മ പ​ഞ്ചാ​യ​ത്തു​ക​ളും നീ​ലേ​ശ്വ​രം ന​ഗ​ര​സ​ഭ​യു​മാ​ണ് തൃ​ക്ക​രി​പ്പൂ​ര്‍ മ​ണ്ഡ​ല​ത്തി​ല്‍ ഉ​ൾ​പ്പെ​ടു​ന്ന​ത്. ര​ണ്ടു മു​ഖ്യ​മ​ന്ത്രി​മാ​രെ ത​ല​സ്ഥാ​ന​ത്തേ​ക്ക​യ​ച്ച തൃ​ക്ക​രി​പ്പൂ​ർ ഒ​രു ത​വ​ണ പ്ര​തി​പ​ക്ഷ നേ​താ​വി​നെ​യും സ​മ്മാ​നി​ച്ചു.

പാ​ർ​ട്ടി​ക്ക് വ​മ്പി​ച്ച അ​ടി​ത്ത​റ​യു​ള്ള പ​ഞ്ചാ​യ​ത്തു​ക​ള്‍ ചേ​ർ​ത്ത് ക​ണ്ണൂ​ര്‍ കാ​സ​ർ​കോ​ട് ജി​ല്ല​ക​ളി​ലാ​യി ഉ​രു​ക്കു​കോ​ട്ട​യാ​യി നി​ല​കൊ​ണ്ടു. 2008ൽ ​ക​ണ്ണൂ​ര്‍ ജി​ല്ല​യി​ലെ പ​ഞ്ചാ​യ​ത്തു​ക​ള്‍ ഒ​ഴി​വാ​ക്കി​യ​തോ​ടെ മ​ണ്ഡ​ലം ജി​ല്ല​ക്ക​ക​ത്താ​യി. മ​ണ്ഡ​ലം രൂ​പ​വ​ത്ക​രി​ച്ച​തി​നു​ശേ​ഷം ന​ട​ന്ന പ​തി​നൊ​ന്ന് തെ​ര​ഞ്ഞെ​ടു​പ്പി​ലും നി​യ​മ​സ​ഭ​യി​ല്‍ തൃ​ക്ക​രി​പ്പൂ​രി​നെ പ്ര​തി​നി​ധീ​ക​രി​ച്ച​ത് ഇ​ട​തു​മു​ന്ന​ണി​യാ​ണ്. ലോ​ക്​​സ​ഭാം​ഗ​മാ​യി​രു​ന്ന പി. ​ക​രു​ണാ​ക​ര​ന്‍ 1977ലും 1980​ലും തൃ​ക്ക​രി​പ്പൂ​രി​ന്റെ സാ​മാ​ജി​ക​നാ​യി. 1982 ല്‍ ​ഒ.​ഭ​ര​ത​ന്‍ തെ​ര​ഞ്ഞെ​ടു​ക്ക​പ്പെ​ട്ടു. പി​ന്നീ​ട് മ​ത്സ​രി​ച്ച ഇ.​കെ. നാ​യ​നാ​രും(1987- 1995) കെ.​പി. സ​തീ​ഷ് ച​ന്ദ്ര​നും(1996- 2005) കെ. ​കു​ഞ്ഞി​രാ​മ​നും (2006- 2016) പി​ന്നീ​ട് എം. ​രാ​ജ​ഗോ​പാ​ല​നും ര​ണ്ടു ടേം ​വീ​തം തെ​ര​ഞ്ഞെ​ടു​ക്ക​പ്പെ​ട്ട​വ​രാ​ണ്. മ​ണ്ഡ​ല പു​നഃ​ർ​നി​ർ​ണ​യ​ത്തി​ന് മു​മ്പ് പ്ര​ഥ​മ ക​മ്യൂ​ണി​സ്റ്റ് സ​ഭ അ​ധി​കാ​ര​മേ​റ്റ​പ്പോ​ൾ ഇ.​എം.​എ​സും പി​ന്നീ​ട് നാ​യ​നാ​രു​മാ​ണ് ഇ​വി​ടെ നി​ന്ന് മു​ഖ്യ​മ​ന്ത്രി​മാ​രാ​യ​ത്. 1991ൽ ​ര​ണ്ടാം​വ​ട്ടം വി​ജ​യി​ച്ച നാ​യ​നാ​ർ പ്ര​തി​പ​ക്ഷ​ നേ​താ​വാ​യി.

ഇ​തി​ല്‍ തൃ​ക്ക​രി​പ്പൂ​ര്‍, പ​ട​ന്ന പ​ഞ്ചാ​യ​ത്തു​ക​ളി​ല്‍ മു​സ്‌​ലിം ലീ​ഗി​ന്റെ സാ​ര​ഥ്യ​ത്തി​ലും വെ​സ്റ്റ് എ​ളേ​രി​യി​ൽ കോ​ൺ​ഗ്ര​സ് നേ​തൃ​ത്വ​ത്തി​ലും യു.​ഡി.​എ​ഫ് ഭ​രി​ക്കു​ന്നു. തു​ട​ർ​ച്ച​യാ​യി ര​ണ്ടു​ത​വ​ണ ഭ​രി​ച്ച ഇ​ട​തു​മു​ന്ന​ണി​യി​ൽ നി​ന്ന് ക​ഴി​ഞ്ഞ ത​വ​ണ യു.​ഡി.​എ​ഫ് ഭ​ര​ണം പി​ടി​ച്ചെ​ടു​ത്ത​താ​ണ്, ഡി.​ഡി.​എ​ഫ് വി​ഷ​യ​ത്തി​ലു​ള്ള കോ​ൺ​ഗ്ര​സ് പി​ള​ർ​പ്പ് രാ​ജി​യാ​യ​തോ​ടെ ഈ​സ്റ്റ് എ​ളേ​രി​യി​ൽ ഭ​ര​ണം വീ​ണ്ടും കോ​ൺ​ഗ്ര​സി​ലെ​ത്തി. വ​ലി​യ​പ​റ​മ്പ, പി​ലി​ക്കോ​ട്, ചെ​റു​വ​ത്തൂ​ര്‍, ക​യ്യൂ​ര്‍ ചീ​മേ​നി, നീ​ലേ​ശ്വ​രം ന​ഗ​ര​സ​ഭ എ​ന്നി​വ എ​ല്‍.​ഡി.​എ​ഫ് ഭ​ര​ണ​ത്തി​ലാ​ണ്.

മ​ണ്ഡ​ല​ത്തി​ന്റെ അ​തി​രു​ക​ള്‍ മാ​റി മ​റി​ഞ്ഞി​ട്ടും നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ല്‍ ഇ​ട​തു​മു​ന്ന​ണി​യു​ടെ ശ​രാ​ശ​രി ഭൂ​രി​പ​ക്ഷം 13,317 ആ​ണ്. 1977 ല്‍ ​പി.​ക​രു​ണാ​ക​ര​ന്റെ പേ​രി​ലാ​ണ് ഏ​റ്റ​വും കു​റ​ഞ്ഞ (6120) ഭൂ​രി​പ​ക്ഷം.

കൂ​ടി​യ​ത് (26137) 2021 ലെ ​തെ​ര​ഞ്ഞെ​ടു​പ്പി​ല്‍ എം,​രാ​ജ​ഗോ​പാ​ല​ൻ നേ​ടി​യ​താ​ണ്. ലോ​ക്സ​ഭാ തെ​ര​ഞ്ഞെ​ടു​പ്പി​ല്‍ മ​ണ്ഡ​ല​ത്തി​ലെ ക​ണ​ക്കു​ക​ള്‍ വ്യ​ത്യാ​സ​പ്പെ​ടു​ക​യും ചെ​യ്യും. ക​ഴി​ഞ്ഞ ലോ​ക​ള​സ​ഭ തെ​ര​ഞ്ഞെ​ടു​പ്പി​ൽ രാ​ജ്‌​മോ​ഹ​ൻ ഉ​ണ്ണി​ത്താ​നെ​തി​രെ കേ​വ​ലം 1899 വോ​ട്ടു​ക​ളു​ടെ ഭൂ​രി​പ​ക്ഷ​മാ​ണ് കെ.​പി. സ​തീ​ഷ് ച​ന്ദ്ര​ന് തൃ​ക്ക​രി​പ്പൂ​രി​ൽ നി​ന്ന് ല​ഭി​ച്ച​ത്. ലോ​ക്​​സ​ഭ തെ​രഞ്ഞെ​ടു​പ്പി​ൽ മെ​ച്ച​പ്പെ​ടു​ന്ന വോ​ട്ടോ​ഹ​രി​യു​ടെ ക​ണ​ക്കി​ൽ ക​ണ്ണു​വെ​ച്ചാ​ണ് യു.​ഡി.​എ​ഫ് ക്യാ​മ്പ് പ്ര​തീ​ക്ഷ വെ​ച്ചു​പു​ല​ർ​ത്തു​ന്ന​ത്.

തൃ​ക്ക​രി​പ്പൂ​ര്‍ മ​ണ്ഡ​ലം ഒ​റ്റ​നോ​ട്ട​ത്തി​ൽ

നി​ല​വി​ലെ വോ​ട്ട​ർ​മാ​ർ

• ആ​കെ വോ​ട്ട​ർ​മാ​ർ - 204744
• ക​ന്നി വോ​ട്ട​ർ​മാ​ർ -523

2019ലെ ​ലോ​ക്സ​ഭ വോ​ട്ടു​നി​ല

• കെ.​പി.​സ​തീ​ഷ് ച​ന്ദ്ര​ൻ (എ​ൽ.​ഡി.​എ​ഫ്) -76403
• രാ​ജ്‌​മോ​ഹ​ൻ ഉ​ണ്ണി​ത്താ​ൻ (യു.​ഡി.​എ​ഫ്) -74504
• ര​വീ​ശ​ത​ന്ത്രി കു​ണ്ടാ​ർ (എ​ൻ.​ഡി.​എ) -8652

2021 നി​യ​മ​സ​ഭ തെ​ര​ഞ്ഞെ​ടു​പ്പ്

• എ​ൽ.​ഡി.​എ​ഫ് -86151
• യു.​ഡി.​എ​ഫ്‌ -60014
• എ​ൻ.​ഡി.​എ -10961
• ഭൂ​രി​പ​ക്ഷം(എൽ.ഡി.എഫ്)- 26137

തദ്ദേശസ്ഥാപന ഭ​ര​ണം

• തൃ​ക്ക​രി​പ്പൂ​ര്‍ - യു.​ഡി.​എ​ഫ്
• പ​ട​ന്ന - യു.​ഡി.​എ​ഫ്
• വെ​സ്റ്റ് എ​ളേ​രി - യു.​ഡി.​എ​ഫ്
• ഈ​സ്റ്റ് എ​ളേ​രി - യു.​ഡി.​എ​ഫ്
• വ​ലി​യ​പ​റ​മ്പ - എ​ല്‍.​ഡി.​എ​ഫ്
• പി​ലി​ക്കോ​ട് - എ​ല്‍.​ഡി.​എ​ഫ്
• ചെ​റു​വ​ത്തൂ​ര്‍ - എ​ല്‍.​ഡി.​എ​ഫ്
• ക​യ്യൂ​ര്‍ ചീ​മേ​നി - എ​ല്‍.​ഡി.​എ​ഫ്
• നീ​ലേ​ശ്വ​രം ന​ഗ​ര​സ​ഭ - എ​ല്‍.​ഡി.​എ​ഫ്