യു​ക്രെ​യ്നി​ൽനിന്ന് ആശ്വാസ തീരമണിഞ്ഞ് ഫാസും ഖാദറും

പ​ട​ന്ന: യു​ദ്ധ​ഭൂ​മി​യി​ൽ​നി​ന്നു​ള്ള പ​ലാ​യ​ന​ത്തി​നു​ശേ​ഷം ഫാ​സ് ഫൈ​സ​ലും പി.​സി. ഖാ​ദ​റും നാ​ട്ടി​ലെ​ത്തി. ഖാ​ർ​ക്കി​വി​ൽ ര​ണ്ടാം വ​ർ​ഷ മെ​ഡി​ക്ക​ൽ വി​ദ്യാ​ർ​ഥി​ക​ളാ​യി​രു​ന്നു ഇ​രു​വ​രും. ഞാ​യ​റാ​ഴ്ച പു​ല​ർ​ച്ച ഡ​ൽ​ഹി​യി​ൽ​നി​ന്ന്​ കൊ​ച്ചി​യി​ലെ​ത്തി​യ ഇ​രു​വ​രും ട്രെ​യി​ൻ മാ​ർ​ഗ​മാ​ണ് വീ​ട​ണ​ഞ്ഞ​ത്. ക​ഴി​ഞ്ഞ ഒ​ന്നാം തീ​യ​തി​യാ​ണ് ഇ​രു​വ​രും പ​ഠ​ന​സ്ഥ​ല​മാ​യ ഖാ​ർ​കി​വി​ൽ​നി​ന്ന്​ പു​റ​പ്പെ​ട്ട​ത്. ട്രെ​യി​നി​ൽ അ​തി​ർ​ത്തി ന​ഗ​ര​മാ​യ ലി​വീ​വി​ൽ എ​ത്തി. ലി​വീ​വി​ലും ക​ന​ത്ത ഷെ​ല്ലാ​ക്ര​മ​ണം ഉ​ണ്ടാ​യ​ത് ആ​ശ​ങ്ക ഉ​യ​ർ​ത്തി. അ​വി​ടെ​നി​ന്ന് ടാ​ക്സി​യി​ൽ അ​തി​ർ​ത്തി പ്ര​ദേ​ശ​ത്ത് എ​ത്തി​യെ​ങ്കി​ലും യ​ഥാ​ർ​ഥ ദു​രി​തം തു​ട​ങ്ങാ​നി​രി​ക്കു​ന്ന​തേ ഉ​ണ്ടാ​യി​രു​ന്നു​ള്ളൂ.

മൈ​ന​സ് നാ​ല് ഡി​ഗ്രി ത​ണു​പ്പി​ൽ ഒ​ന്ന​ര ദി​വ​സം ന​ട​ന്നാ​ണ് പോ​ള​ണ്ട് അ​തി​ർ​ത്തി​യി​ൽ എ​ത്തി​യ​ത്. ഇ​ട​ക്ക് പെ​ൺ​കു​ട്ടി​ക​ൾ അ​ട​ക്കം പ​ല​രും ത​ള​ർ​ന്ന് വീ​ണ​തും ക​ടു​ത്ത ത​ണു​പ്പി​ൽ പ​ല​രു​ടേ​യും ശ​രീ​രം പൊ​ട്ടി ചോ​ര വാ​ർ​ന്നൊ​ഴു​കു​ന്ന​തും ക​ണ്ട​പ്പോ​ൾ ല​ക്ഷ്യ​സ്ഥാ​ന​ത്ത് എ​ത്താ​ൻ ക​ഴി​യു​മോ എ​ന്ന ആ​ശ​ങ്ക ഉ​ണ്ടാ​ക്കി.

എ​ല്ലാ പ്ര​തി​സ​ന്ധി​ക​ളേ​യും അ​തി​ജീ​വി​ച്ച് പോ​ള​ണ്ടി​ൽ എ​ത്തി​ച്ചേ​ർ​ന്നു. പോ​ള​ണ്ടി​ൽ എ​ത്തി​യ​തി​നു ശേ​ഷ​മാ​ണ് ഇ​ന്ത്യ​ൻ എം​ബ​സി​യു​ടെ സ​ഹാ​യം ല​ഭി​ച്ച​ത് എ​ന്നും വ​ള​രെ സാ​ഹ​സി​ക​മാ​യാ​ണ് വി​ദ്യാ​ർ​ഥി​ക​ൾ അ​തി​ർ​ത്തി രാ​ജ്യ​ങ്ങ​ളി​ൽ എ​ത്തി​ച്ചേ​രു​ന്ന​ത് എ​ന്നും ഫാ​സ് ഫൈ​സ​ൽ പ​റ​ഞ്ഞു.

ര​ണ്ടു ദി​വ​സം പോ​ള​ണ്ടി​ൽ ക​ഴി​ഞ്ഞ ശേ​ഷം പോ​ള​ണ്ടി​ലെ റി​സീ​സോ ഇ​ന്റ​ർ​നാ​ഷ​ന​ൽ എ​യ​ർ​പോ​ർ​ട്ടി​ൽ​നി​ന്ന്​ വ്യോ​മ​സേ​ന​യു​ടെ സി 17 ​വി​മാ​ന​ത്തി​ലാ​ണ് ഇ​വ​ർ ഡ​ൽ​ഹി​യി​ൽ എ​ത്തി​യ​ത്.

മാ​ർ​ച്ച് 13 നു ​ശേ​ഷം ഓ​ൺ​ലൈ​ൻ വ​ഴി ക്ലാ​സ് ആ​രം​ഭി​ക്കു​മെ​ന്ന്​ എ​ന്ന് ഫാ​സ് പ​റ​ഞ്ഞു.