Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightPadannachevron_rightകോവിഡ്​ ബാധിച്ച്​ 39...

കോവിഡ്​ ബാധിച്ച്​ 39 ദി​വ​സം വെൻറി​ലേ​റ്റ​റി​ൽ കിടന്ന യുവാവ്​ രോഗമുക്​തനായി വീട്ടിൽ

text_fields
bookmark_border
കോവിഡ്​ ബാധിച്ച്​ 39 ദി​വ​സം വെൻറി​ലേ​റ്റ​റി​ൽ കിടന്ന യുവാവ്​ രോഗമുക്​തനായി വീട്ടിൽ
cancel
camera_alt

അഫ്​സൽ

പ​ട​ന്ന: കോ​വി​ഡ് മ​ഹാ​മാ​രി​യു​ടെ തീ​വ്ര​ത​യേ​റി​യ മു​ഖം അ​നു​ഭ​വി​ച്ച​റി​ഞ്ഞ അ​ഫ്സ​ലി​നി​ത് ര​ണ്ടാം ജ​ന്മം. അ​ബൂ​ദ​ബി അ​ൽ നൂ​ർ മെ​ഡി ക്ലി​നി​ക്കി​ൽ ര​ണ്ടു​മാ​സം ചി​കി​ത്സ​യി​ലാ​യി​രു​ന്ന 33 കാ​ര​നാ​യ അ​ഫ്സ​ൽ 39 ദി​വ​സ​വും വെൻറി​ലേ​റ്റ​റി​ൽ ആ​യി​രു​ന്നു.

ഇ​ട​ക്ക് പി​ടി​പെ​ട്ട ന്യൂ​മോ​ണി​യ, ഡോ​ക്ട​ർ​മാ​രു​ടെ പ്ര​തീ​ക്ഷ​ക​ൾ​ക്കു​മേ​ൽ ക​രി​നി​ഴ​ൽ വീ​ഴ്​​ത്തി​യ​പ്പോ​ൾ വീ​ട്ടു​കാ​രു​ടെ​യും കൂ​ട്ടു​കാ​രു​ടെ​യും പ്രാ​ർ​ഥ​ന​യു​ടെ ഫ​ല​മെ​ന്നോ​ണം അ​ഫ്സ​ൽ ജീ​വി​ത​ത്തി​ലേ​ക്ക് ക​ണ്ണു​തു​റ​ന്നു. മു​റി​യി​ലേ​ക്ക് മാ​റ്റി​യി​ട്ടും ര​ണ്ടാ​ഴ്ച​യോ​ളം ക​ഴി​ഞ്ഞാ​ണ് ബോ​ധം വീ​ണ്ടെ​ടു​ത്ത​ത്.

ക​ഴി​ഞ്ഞ് മേ​യ് 21നാ​ണ് നോ​മ്പു​തു​റ​ന്ന് ക്ഷീ​ണം കാ​ര​ണം കി​ട​ന്ന അ​ഫ്സ​ൽ അ​ബോ​ധാ​വ​സ്ഥ​യി​ലാ​യ​ത്. പി​റ്റേ​ന്ന് രാ​വി​ലെ മു​റി​യി​ൽ വ​ന്ന​വ​രാ​ണ് അ​ഫ്സ​ലി​നെ ഹോ​സ്പി​റ്റ​ലി​ൽ എ​ത്തി​ച്ച​ത്.

13ാം വ​യ​സ്സു​മു​ത​ൽ ഇ​ൻ​സു​ലി​ൻ എ​ടു​ക്കു​ന്ന പ്ര​മേ​ഹ​രോ​ഗി കൂ​ടി​യാ​യ അ​ഫ്സ​ലി​ന് പ​രി​ശോ​ധ​ന​യി​ൽ കോ​വി​ഡ് പോ​സി​റ്റി​വാ​ണെ​ന്ന് തെ​ളി​ഞ്ഞു. രോ​ഗം പെ​​ട്ടെ​ന്ന്​ മൂ​ർ​ച്ഛി​ച്ചു. കോ​വി​ഡി​െൻറ ചി​ല ല​ക്ഷ​ണ​ങ്ങ​ളു​ണ്ടാ​യി​ട്ടും അ​വ​ഗ​ണി​ച്ച​ത് കാ​ര്യ​ങ്ങ​ൾ വ​ഷ​ളാ​ക്കി. ര​ണ്ടു മാ​സ​ങ്ങ​ൾ​ക്കു​ശേ​ഷം ഡി​സ്ചാ​ർ​ജാ​യ അ​ഫ്സ​ൽ നാ​ട്ടി​ൽ തി​രി​ച്ചെ​ത്തി വീ​ട്ടി​ൽ വി​ശ്ര​മ​ത്തി​ലാ​ണ്.

ന​ട​ക്കാ​ൻ അ​ൽ​പം പ്ര​യാ​സം ഉ​ള്ള​തൊ​ഴി​ച്ചാ​ൽ ഇ​പ്പോ​ൾ ആ​രോ​ഗ്യ പ്ര​ശ്ന​ങ്ങ​ൾ ഒ​ന്നു​മി​ല്ല. പ്ര​തി​സ​ന്ധി ഘ​ട്ട​ത്തി​ൽ എ​ന്നും ഹോ​സ്പി​റ്റ​ലി​ൽ വ​ന്ന് കാ​ര്യ​ങ്ങ​ൾ അ​ന്വേ​ഷി​ച്ച് വേ​ണ്ട​തെ​ല്ലാം ചെ​യ്തു​ത​രു​ക​യും വീ​ട്ടു​കാ​രെ എ​ന്നും വി​ളി​ച്ച് ആ​ശ്വ​സി​പ്പി​ക്കു​ക​യും ചെ​യ്ത നാ​ട്ടു​കാ​ര​ൻ കൂ​ടി​യാ​യ പി.​കെ. മു​ഹ​മ്മ​ദ് കു​ഞ്ഞി, വി. ​ഫൈ​സ​ൽ, പി. ​ശാ​ക്കി​ർ എ​ന്നി​വ​രെ​യും എ​ല്ലാ​റ്റി​നു​മു​പ​രി ജോ​ലി ചെ​യ്ത ബു​ക്കേ​റ്റ് ഫാ​ബ്രി​ക്സ് ക​മ്പ​നി ഉ​ട​മ​ക​ളെ​യും അ​ഫ്സ​ൽ ന​ന്ദി​പൂ​ർ​വം സ്മ​രി​ക്കു​ന്നു.

മ​ഴു​വ​ൻ ചി​കി​ത്സ ചെ​ല​വു​ക​ളും വീ​ടു​വ​രെ വ​ന്ന ആം​ബു​ല​ൻ​സ് ചെ​ല​വും കൂ​ടാ​തെ ആ​ശു​പ​ത്രി​യി​ൽ കി​ട​ന്ന ര​ണ്ടു​മാ​സ​ത്തെ ശ​മ്പ​ളം പോ​ലും ക​മ്പ​നി ന​ൽ​കി​യി​രു​ന്നു. പ​ട​ന്ന ഓ​രി ഏ​ര​മ്പ്രം റോ​ഡി​ൽ കെ.​എ. ഖാ​ദ​റി​െൻറ​യും ആ​യി​ഷ​യു​ടെ​യും മ​ക​നാ​ണ്.

Show Full Article
TAGS:covid kerala ventilator afsal 
Next Story