യുക്രെയ്നിൽ കുടുങ്ങിയ പടന്നയിൽ നിന്നുള്ള മുഴുവൻ വിദ്യാർഥികളും നാടണഞ്ഞു

പടന്ന: യുദ്ധം കാരണം യുക്രെയ്നിൽ കുടുങ്ങിയ പടന്നയിൽനിന്നുള്ള നാല് വിദ്യാർഥികളും തിരിച്ചെത്തി. നാട്ടിലെത്തിയ എം.വി. ഖദീജ, ഫാസ് ഫൈസൽ, മൃദുൽ ബാബു, പി.സി. ഖാദർ, സന ഷറഫുദ്ദീൻ, എം.വി. ഷുഹൈല എന്നിവരെ പഞ്ചായത്ത് പ്രസിഡൻറിന്‍റെ നേതൃത്വത്തിൽ മധുരം നൽകി സ്വീകരിച്ചു.

പഞ്ചായത്ത് സ്ഥിരം സമിതി അധ്യക്ഷന്മാരായ ടി.കെ.എം. മുഹമ്മദ് റഫീഖ്, ടി.കെ.പി. ഷാഹിദ, മെംബർമാരായ പി.പി. കുഞ്ഞികൃഷ്ണൻ മാസ്റ്റർ, വി.ലത, പി. പവിത്രൻ, എ.കെ. ജാസ്മിൻ എന്നിവരും കൂടെയുണ്ടായിരുന്നു.