എപ്പോൾ യാഥാർഥ്യമാകും നീലേശ്വരം ലോ കോളജ് ?

നീ​ലേ​ശ്വ​രം: ജി​ല്ല​യി​ലെ വി​ദ്യാ​ർ​ഥി​ക​ൾ​ക്ക് ഉ​ന്ന​ത​പ​ഠ​ന​ത്തി​ന് അ​വ​സ​ര​മൊ​രു​ക്കാ​ൻ ല​ക്ഷ്യ​മി​ട്ട് ബ​ജ​റ്റി​ൽ പ്ര​ഖ്യാ​പി​ച്ച നീ​ലേ​ശ്വ​രം നി​യ​മ​പ​ഠ​ന​കേ​ന്ദ്ര​ത്തി​ന് പി​ന്നീ​ട് എ​ന്തു​സം​ഭ​വി​ച്ചു​വെ​ന്ന് ജ​ന​ങ്ങ​ൾ ചോ​ദി​ച്ചു​തു​ട​ങ്ങി​യി​ട്ട് വ​ർ​ഷം ര​ണ്ട് തി​ക​യു​ന്നു. ‘സ്റ്റേ’ ​ആ​ണോ, എ​വി​ടെ, ആ​രോ​ട് അ​പ്പീ​ൽ ചെ​യ്യും എ​ന്നു​മ​റി​യി​ല്ല.

ബ​ജ​റ്റി​ലെ പ്ര​ഖ്യാ​പ​ന​ത്തോ​ടെ നി​യ​മ​പ​ഠ​ന കേ​ന്ദ്രം നീ​ലേ​ശ്വ​ര​ത്തെ കൊ​തി​പ്പി​ച്ച് ക​ട​ന്നു​ക​ള​ഞ്ഞ അ​വ​സ്ഥ​യാ​ണി​പ്പോ​ൾ. ഒ​ന്നാം പി​ണ​റാ​യി വി​ജ​യ​ൻ സ​ർ​ക്കാ​റി​ന്റെ കാ​ല​ത്ത് ഒ​രു​കോ​ടി രൂ​പ​യും ര​ണ്ടാം പി​ണ​റാ​യി സ​ർ​ക്കാ​റി​ന്റെ കാ​ല​ത്ത് ര​ണ്ടു​കോ​ടി രൂ​പ​യും ടോ​ക്ക​ൺ​തു​ക നീ​ക്കി​വെ​ച്ച​പ്പോ​ൾ എ​ല്ലാം ശ​രി​യാ​കു​മെ​ന്നു​പ​റ​ഞ്ഞ് കാ​ത്തി​രു​ന്ന നീ​ലേ​ശ്വ​രത്തു​കാ​ർ, പ​ക്ഷേ വ​ർ​ഷം ര​ണ്ട് ക​ഴി​ഞ്ഞി​ട്ടും കാ​ത്തി​രി​പ്പ് തു​ട​രു​ക​യാ​ണ്. നീ​ലേ​ശ്വ​ര​ത്ത് നി​യ​മ​പ​ഠ​ന കേ​ന്ദ്ര​ത്തി​ന്റെ സാ​ധ്യ​ത തി​രി​ച്ച​റി​ഞ്ഞ് നീ​ലേ​ശ്വ​രം ന​ഗ​ര​സ​ഭ​യാ​ണ് ആ​ദ്യ​മാ​യി പ്ര​മേ​യം പാ​സാ​ക്കി​യ​ത്. മു​ൻ എം.​പി പി. ​ക​രു​ണാ​ക​ര​നൊ​പ്പം അ​ന്ന​ത്തെ നി​യ​മ മ​ന്ത്രി​യാ​യി​രു​ന്ന എ.​കെ. ബാ​ല​നെ ക​ണ്ട് കൗ​ൺ​സി​ൽ പ്ര​മേ​യ​മ​ട​ക്ക​മു​ള്ള നി​വേ​ദ​നം ന​ഗ​ര​സ​ഭ കൈ​മാ​റി.

സ​ർ​ക്കാ​ർ 2020-21 ബ​ജ​റ്റി​ൽ നി​യ​മ​പ​ഠ​ന കേ​ന്ദ്ര​ത്തി​നാ​യി ഒ​രു​കോ​ടി രൂ​പ​യു​ടെ ടോ​ക്ക​ൺ തു​ക അ​നു​വ​ദി​ച്ചു. നീ​ലേ​ശ്വ​രം പാ​ലാ​ത്ത​ടം സ​ർ​വ​ക​ലാ​ശാ​ല കാ​മ്പ​സി​ന് മു​ന്നി​ലു​ള്ള റ​വ​ന്യൂ ഭൂ​മി​യാ​ണ് നി​യ​മ​പ​ഠ​ന കേ​ന്ദ്ര​ത്തി​നാ​യി ക​ണ്ടെ​ത്താ​ൻ ധാ​ര​ണ​യാ​യ​ത്. ബ​ന്ധ​പ്പെ​ട്ട റ​വ​ന്യൂ​വ​കു​പ്പ് ഇ​തു​സം​ബ​ന്ധി​ച്ച് പ​രി​ശോ​ധ​ന​യും ന​ട​ത്തി​യ​താ​ണ്. കോ​വി​ഡ് വ​ന്ന​തോ​ടെ നി​യ​മ​പ​ഠ​ന കേ​ന്ദ്ര​വും കോ​വി​ഡി​ൽ​പെ​ട്ടു. നീ​ലേ​ശ്വ​ര​ത്തി​ന്റെ വി​ക​സ​ന​ത്തി​ന് മു​ത​ൽ​ക്കൂ​ട്ടാ​കു​ന്ന​താ​ണ് നി​യ​മ​പ​ഠ​ന കേ​ന്ദ്രം. ബ​ജ​റ്റി​ൽ ടോ​ക്ക​ൺ​തു​ക നീ​ക്കി​വെ​ച്ചി​ട്ടും തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ല. ജി​ല്ല​ക്ക് മു​ഴു​വ​ൻ മു​ത​ൽ​ക്കൂ​ട്ടാ​കു​ന്ന സ്ഥാ​പ​ന​മാ​യാ​ണ് നി​യ​മ​പ​ഠ​ന കേ​ന്ദ്ര​ത്തി​ന്റെ പ്ര​ഖ്യാ​പ​നം ഞ​ങ്ങ​ൾ ക​ണ്ട​ത്. കോ​വി​ഡ് കാ​ര​ണം കു​റേ​ക്കാ​ലം തു​ട​ർ​ന​ട​പ​ടി​ക​ളി​ല്ലാ​തെ​യാ​യി. നീ​ലേ​ശ്വ​ര​ത്തി​ന്റെ ആ​വ​ശ്യ​മാ​യി ക​ണ്ട് ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന് വി​ഷ​യം സ​ർ​ക്കാ​റി​ന്റെ പ​രി​ഗ​ണ​ന​യി​ൽ കൊ​ണ്ടു​വ​രാ​ൻ കൂ​ടു​ത​ൽ ഇ​ട​പെ​ട​ൽ ന​ട​ത്തു​മെ​ന്ന് ന​ഗ​ര​സ​ഭ വൈ​സ് ചെ​യ​ർ​മാ​ൻ പി.​പി. മു​ഹ​മ്മ​ദ് റാ​ഫി പ​റ​ഞ്ഞു.

നീ​ലേ​ശ്വ​ര​ത്തി​ന്റെ സ്വ​പ്‌​ന​പ​ദ്ധ​തി​ക​ളി​ലൊ​ന്നാ​യാ​ണ് 2019ൽ ​കൗ​ൺ​സി​ൽ​യോ​ഗം നി​യ​മ​പ​ഠ​ന കേ​ന്ദ്ര​ത്തി​നാ​യി പ്ര​മേ​യം പാ​സാ​ക്കി​യ​ത്. പി​ന്നീ​ട​ങ്ങോ​ട്ട് നി​ര​ന്ത​ര​മാ​യി സ​മ്മ​ർ​ദം ചെ​ലു​ത്തി​യാ​ണ് ബ​ജ​റ്റി​ലും ഇ​ടം​പി​ടി​ച്ച​ത്. പ​ക്ഷേ, തു​ട​ർ​ന്ന് പു​രോ​ഗ​തി​യു​ണ്ടാ​കാ​ത്ത​ത് നി​ർ​ഭാ​ഗ്യ​മാ​ണ്. ജ​ന​പ്ര​തി​നി​ധി​ക​ളും ഉ​ന്ന​ത വി​ദ്യാ​ഭ്യാ​സ​വ​കു​പ്പും ഒ​റ്റ​ക്കെ​ട്ടാ​യി ശ്ര​മി​ക്കു​ക​യാ​ണെ​ങ്കി​ൽ ലോ ​കോ​ള​ജ് യാ​ഥാ​ർ​ഥ്യ​മാ​ക്കാ​നാ​കു​മെ​ന്ന് മു​ൻ ന​ഗ​ര​സ​ഭ ചെ​യ​ർ​മാ​ൻ പ്ര​ഫ. കെ.​പി. ജ​യ​രാ​ജ​ൻ പ​റ​ഞ്ഞു.