വെള്ളം ആഴ്ചയിൽ ഒരുദിവസം മാത്രം: ചെമ്മാക്കര കുടിവെള്ള പദ്ധതി പാളി

നീ​ലേ​ശ്വ​രം: ഏ​റെ കൊ​ട്ടി​ഘോ​ഷി​ച്ച് ല​ക്ഷ​ങ്ങ​ൾ ചെ​ല​വ​ഴി​ച്ച് ന​ട​പ്പി​ലാ​ക്കി​യ നീ​ലേ​ശ്വ​രം ന​ഗ​ര​സ​ഭ​യി​ലെ ചെ​മ്മാ​ക്ക​ര കു​ടി​വെ​ള്ള​പ​ദ്ധ​തി പ്ര​വ​ർ​ത്ത​നം പാ​ളി. ദി​വ​സ​വും ല​ഭി​ക്കേ​ണ്ട കു​ടി​വെ​ള്ളം ആ​ഴ്ച​യി​ൽ ഒ​രു​ദി​വ​സം കി​ട്ടു​ക മാ​ത്ര​മ​ല്ല, അ​ത് അ​ര​മ​ണി​ക്കൂ​ർ മാ​ത്രം കി​ട്ടു​ന്ന​ത് ചെ​മ്മാ​ക്ക​ര നി​വാ​സി​ക​ളെ കൂ​ടു​ത​ൽ ദു​രി​ത​ത്തി​ലാ​ക്കി.

എം. ​രാ​ജ​ഗോ​പാ​ല​ൻ എം.​എ​ൽ.​എ​യു​ടെ ആ​സ്തി​വി​ക​സ​ന ഫ​ണ്ടി​ൽ​നി​ന്ന് 25 ല​ക്ഷം രൂ​പ​യും ന​ഗ​ര​സ​ഭ പ​ദ്ധ​തി​വി​ഹി​ത​ത്തി​ൽ​നി​ന്ന് 18 ല​ക്ഷം രൂ​പ​യും ചെ​ല​വ​ഴി​ച്ചാ​ണ് കു​ടി​വെ​ള്ള​പ​ദ്ധ​തി യാ​ഥാ​ർ​ഥ്യ​മാ​ക്കി​യ​ത്. ക​മ്മി​റ്റി രൂ​പ​വ​ത്ക​രി​ച്ച് നാ​ട്ടു​കാ​രി​ൽ​നി​ന്ന് പ​ണം പി​രി​വെ​ടു​ത്ത് വാ​ങ്ങി​യ മൂ​ന്ന് സെൻറ് സ്ഥ​ല​ത്താ​ണ് കി​ണ​റും പ​മ്പ് ഹൗ​സും ടാ​ങ്കും നി​ർ​മി​ച്ച​ത്. 2020ൽ ​നി​ർ​മാ​ണ​ പ്ര​വൃ​ത്തി ആ​രം​ഭി​ച്ച് 2022 ആ​ഗ​സ്റ്റ് 22ന് ​എം. രാ​ജ​ഗോ​പാ​ല​ൻ എം.​എ​ൽ.​എ​യാ​ണ് നാ​ടി​ന് സ​മ​ർ​പ്പി​ച്ച​ത്.

തു​ട​ക്ക​ത്തി​ൽ ചെ​മ്മാ​ക്ക​ര​യി​ലെ 65 കു​ടും​ബ​ങ്ങ​ൾ​ക്ക് ഏ​റെ ആ​ശ്വാ​സം ല​ഭി​ച്ചു​വെ​ങ്കി​ലും വെ​റും ര​ണ്ടാ​ഴ്ച​മാ​ത്ര​മാ​ണ് കു​ടി​വെ​ള്ളം ല​ഭി​ച്ച​ത്. വീ​ടി​ന് മു​ന്നി​ൽ സ്ഥാ​പി​ച്ച പൈ​പ്പ് വ​ഴി ദി​വ​സ​വും ല​ഭി​ക്കേ​ണ്ട വെ​ള്ളം ഇ​പ്പോ​ൾ ആ​ഴ്ച​യി​ൽ ഞാ​യ​റാ​ഴ്ച രാ​വി​ലെ അ​ര​മ​ണി​ക്കൂ​ർ മാ​ത്ര​മാ​ണ് ല​ഭി​ക്കു​ന്ന​ത്. ഇ​ങ്ങ​നെ കു​ടി​വെ​ള്ളം കി​ട്ടി​യാ​ൽ എ​ങ്ങ​നെ ഒ​രു കു​ടും​ബ​ത്തി​ന് ക​ഴി​യാ​ൻ​പ​റ്റു​മെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്.

പു​ഴ​യോ​ര ഗ്രാ​മ​മാ​യ​തി​നാ​ൽ ഒ​രു ചെ​റി​യ കി​ണ​ർ കു​ഴി​ച്ചാ​ൽ​ത​ന്നെ ഉ​പ്പു​ക​ല​ർ​ന്ന വെ​ള്ള​മാ​ണ്. ഈ ​വെ​ള്ള​മാ​ണ് കു​ട്ടി​ക​ൾ മു​ത​ൽ മു​തി​ർ​ന്ന​യാ​ളു​ക​ൾ​വ​രെ മ​റ്റു​ള്ള ദി​വ​സ​ങ്ങ​ളി​ൽ ഉ​പ​യോ​ഗി​ക്കു​ന്ന​ത്. കി​ണ​റി​ന് ആ​ഴം കു​റ​വാ​ണെ​ന്നും ഉ​റ​വ​യി​ല്ലാ​ത്ത​തു​മാ​ണ് വെ​ള്ള​ത്തി​ന്റെ ദൗ​ർ​ല​ഭ്യ​ത കു​റ​യാ​ൻ കാ​ര​ണ​മെ​ന്നു​മാ​ണ് അ​ധി​കൃ​ത​ർ പ​റ​യു​ന്ന​ത്. അ​ധി​കൃ​ത​ർ കി​ണ​റി​ന്റെ ആ​ഴം വ​ർ​ധി​പ്പി​ച്ച് ദി​വ​സ​വും മു​ട​ങ്ങാ​തെ ചെ​മ്മാ​ക്ക​ര നി​വ​സി​ക​ൾ​ക്ക് കു​ടി​വെ​ള്ളം വി​ത​ര​ണം ചെ​യ്യ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.