മേൽപാലത്തിനടിയിലെ വാഹന പാർക്കിങ് ദുരിതം

നീ​ലേ​ശ്വ​രം: റെ​യി​ൽ​വേ മേ​ൽ​പാ​ല​ത്തി​ന​ടി​യി​ൽ സ്വ​കാ​ര്യ വാ​ഹ​ന​ങ്ങ​ളു​ടെ പാ​ർ​ക്കി​ങ് ദു​രി​ത​മാ​കു​ന്നു. രാ​ജാ റോ​ഡി​ൽ​നി​ന്ന് റെ​യി​ൽ​വേ സ്റ്റേ​ഷ​നി​ലേ​ക്കു​ള്ള ഏ​ക റോ​ഡി​ലാ​ണ് വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​ത്. കൂ​ടു​ത​ലും ഇ​രു​ച​ക്ര​വാ​ഹ​ന​ങ്ങ​ളാ​ണ് ഇ​വി​ടെ പാ​ർ​ക്ക് ചെ​യ്യു​ന്ന​ത്.

ഇ​ത് റെ​യി​ൽ​വേ സ്റ്റേ​ഷ​നി​ലേ​ക്ക് കാ​ൽ​ന​ട​യാ​യി പോ​കു​ന്ന​വ​ർ​ക്കും സ​മീ​പ​ത്തെ ക​ച്ച​വ​ട​ക്കാ​ർ​ക്കു​മാ​ണ് ഏ​റെ ബു​ദ്ധി​മു​ട്ടു​ണ്ടാ​ക്കു​ന്ന​ത്. കൂ​ടാ​തെ മേ​ൽ​പാ​ല​ത്തി​ന​ടി​യി​ലെ ഓ​ട്ടോ​സ്റ്റാ​ൻ​ഡി​ലെ ഡ്രൈ​വ​ർ​മാ​രും ഇ​തു​മൂ​ലം ദു​രി​ത​മ​നു​ഭ​വി​ക്കു​ക​യാ​ണ്. ട്രെ​യി​നി​ൽ യാ​ത്ര ചെ​യ്യു​ന്ന​വ​ർ രാ​വി​ലെ വാ​ഹ​നം പാ​ർ​ക്ക് ചെ​യ്ത് വൈ​കീ​ട്ടാ​ണ് വാ​ഹ​ന​ങ്ങ​ൾ എ​ടു​ക്കു​ന്ന​ത്.

മു​മ്പ് നീ​ലേ​ശ്വ​രം ന​ഗ​ര​സ​ഭ അ​ധി​കൃ​ത​ർ​ക്ക് ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സെ​ത്തി വാ​ഹ​ന​ങ്ങ​ൾ​ക്ക് പി​ഴ ചു​മ​ത്തി​യെ​ങ്കി​ലും വീ​ണ്ടും പ​ഴ​യ​പ​ടി ത​ന്നെ തു​ട​രു​ക​യാ​ണ്. ദി​വ​സ​വും അ​മ്പ​തോ​ളം ഇ​രു​ച​ക്ര വാ​ഹ​ന​ങ്ങ​ളും കാ​ർ ഉ​ൾ​പ്പെ​ടെ​യു​ള്ള മ​റ്റു വാ​ഹ​ന​ങ്ങ​ളും ഇ​വി​ടെ പാ​ർ​ക്ക് ചെ​യ്യു​ക​യാ​ണ്. ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന് എ​ത്ര​യും പെ​ട്ടെ​ന്ന് ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് വ്യാ​പാ​രി​ക​ളും ഓ​ട്ടോ ഡ്രൈ​വ​ർ​മാ​രും പ​റ​യു​ന്ന​ത്.