വീ​ടും സ്ഥ​ല​വും ജ​പ്തി ചെ​യ്ത് ബാ​ങ്ക്; പെ​രു​വ​ഴി​യി​ലാ​യി വ​യോദ​മ്പ​തി​ക​ൾ

നീ​ലേ​ശ്വ​രം: വീ​ടും പ​റ​മ്പും കോ​ട​തി നി​ർ​ദേ​ശ​പ്ര​കാ​രം ബാ​ങ്ക് അ​ധി​കൃ​ത​രു​ടെ ജ​പ്തി ന​ട​പ​ടി​മൂ​ലം പെ​രു​വ​ഴി​യി​ലാ​യി വ​യോ ദ​മ്പ​തി​ക​ൾ. സി.​പി.​എം പാ​ർ​ട്ടി ഗ്രാ​മ​മാ​യ നീ​ലേ​ശ്വ​രം ന​ഗ​ര​സ​ഭ പ​ള്ളി​ക്ക​ര വാ​ർ​ഡി​ലെ മു​ണ്ടേ​മാ​ടി​ലെ പ​ത്മ​നാ​ഭ​ൻ-​ദേ​വി വ​യോ ദ​മ്പ​തി​ക​ൾ​ക്കാ​ണ് ലോ​ൺ തി​രി​ച്ച​ട​ക്കാ​ത്ത​തു​മൂ​ലം ഇ​പ്പോ​ൾ വീ​ടും സ്ഥ​ല​വും ന​ഷ്ട​പ്പെ​ട്ടി​രി​ക്കു​ന്ന​ത്.

യൂ​നി​യ​ൻ ബാ​ങ്കി​ൽ​നി​ന്ന് 2015ൽ ​മ​ക​ളു​ടെ വി​വാ​ഹ ആ​വ​ശ്യ​ങ്ങ​ൾ​ക്കും വീ​ടി​ന്റെ അ​റ്റ​കു​റ്റ​പ്പ​ണി​ക​ൾ​ക്കു​മാ​യി ലോ​ണെ​ടു​ത്ത​ത്. എ​ന്നാ​ൽ, കോ​വി​ഡ് കാ​ല​ത്ത് മ​ക​ന്റെ ജോ​ലി ന​ഷ്ട​പ്പെ​ട്ട​തോ​ടെ ലോ​ണി​ന്റെ തി​രി​ച്ച​ട​വ് മു​ട​ങ്ങി. ഇ​തോ​ടെ യൂ​നി​യ​ൻ ബാ​ങ്ക് കോ​ട​തി​യെ സ​മീ​പി​ക്കു​ക​യും 2023ൽ ​ഇ​വ​രു​ടെ മു​ണ്ടേ​മ്മാ​ടി​ലെ വീ​ട് ജ​പ്തി ചെ​യ്തി​രു​ന്നു.

വീ​ട് പൂ​ട്ടി സീ​ൽ ചെ​യ്ത് ജ​പ്തി നോ​ട്ടീ​സും പ​തി​ച്ചു. വീ​ട് ജ​പ്തി​യാ​യ​തോ​ടെ ടാ​ർ​പാ​യ വ​ലി​ച്ചു​കെ​ട്ടി പ​റ​മ്പി​ലാ​യി​രു​ന്നു ഇ​വ​ർ ക​ഴി​ഞ്ഞി​രു​ന്ന​ത്. ഇ​പ്പോ​ൾ പ​റ​മ്പി​ൽ​നി​ന്ന് ഒ​ഴി​ഞ്ഞു​പോ​ക​ണ​മെ​ന്നും ബാ​ങ്ക് അ​ധി​കൃ​ത​ർ നി​ർ​ദേ​ശം ന​ൽ​കി. ഇ​തോ​ടെ വൃ​ദ്ധ ദ​മ്പ​തി​ക​ൾ പെ​രു​വ​ഴി​യി​ലാ​കു​ന്ന അ​വ​സ്ഥ​യി​ലാ​ണ്.

ലോ​ൺ തി​രി​ച്ച​ട​ക്കാ​ൻ സ​ഹാ​യി​ക്ക​ണ​മെ​ന്ന ആ​വ​ശ്യ​വുമായി മ​ക​ളെ സ​മീ​പി​ച്ചെ​ങ്കി​ലും തി​രി​ഞ്ഞു​പോ​ലും നോ​ക്കി​യി​ല്ലെ​ന്ന് വൃ​ദ്ധ ദ​മ്പ​തി​ക​ൾ ആരോപിച്ചു. ലോ​ൺ തി​രി​ച്ച​ട​വി​ന് സ​ഹാ​യി​ക്കാ​ൻ​പോ​ലും മ​ക​ൾ കൂ​ട്ടാ​ക്കി​യി​ല്ലെ​ന്നും ഇ​വ​ർ പ​റ​യു​ന്നു. മ​ക​ൻ ഓ​ട്ടോ ഓ​ടി​ച്ചു കി​ട്ടു​ന്ന തു​ച്ഛ​മാ​യ വ​രു​മാ​ന​ത്തി​ലാ​ണ് ഈ ​കു​ടും​ബം ക​ഴി​യു​ന്ന​ത്.

അ​ച്ഛ​ൻ പ​ത്മ​നാ​ഭ​ൻ അ​സു​ഖ​ബാ​ധി​ത​നാ​യി ചി​കി​ത്സ​യി​ലാ​ണ്. 70 വ​യ​സ്സു​കാ​ര​നാ​യ പ​ത്മ​നാ​ഭ​നും 68 വ​യ​സ്സു​കാ​രി​യാ​യ ഭാ​ര്യ ദേ​വി​യും ഇ​നി​യെ​ന്തു ചെ​യ്യും എ​ന്ന​റി​യാ​ത്ത അ​വ​സ്ഥ​യി​ലാ​ണ്.